5G Service Launch: दिवाळीला सुरुवात तर येत्या 2 वर्षात देशभर 5G उपलब्ध होणार, केंद्रीय आयटी मंत्र्यांची माहिती
By ऑनलाइन लोकमत | Published: September 25, 2022 04:53 PM2022-09-25T16:53:58+5:302022-09-25T16:54:20+5:30
5G Service Launch: भारतात लवकरच 5G इंटरनेट सेवा सुरू होणार आहे. जिओने दिवाळीपर्यंत देशातील काही शहरांमध्ये 5G सुरू करण्याची घोषणा केली आहे.
5G Service Launch: दिवाळीला सुरुवात तर येत्या 2 वर्षात देशभर 5G उपलब्ध होणार, केंद्रीय आयटी मंत्र्यांची माहिती
Next 5G Service Launch: भारतात लवकरच 5G इंटरनेट सेवा सुरू होणार आहे. जिओ आणि एअरटेलने येत्या दिवाळीपर्यंत देशातील काही शहरांमध्ये 5G सुरू करण्यासंदर्भात माहिती दिली आहे. दरम्यान, 'येत्या दोन वर्षात देशभरात 5G सेवा सुरू होईल', अशी माहिती केंद्रीय इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांनी एका कार्यक्रमात बोलताना दिली आहे.
Very soon 5G services will be launched & our target will be to, practically cover the entire country with 5G services within 2 years. Investment of around 35 billion USD for 5G. Digital health initiatives will be available to all: Union IT Minister Ashwini Vaishnaw, in Delhi pic.twitter.com/YuHMcmBKMk
— ANI (@ANI) September 25, 2022
सरकारने ऑगस्टमध्ये दूरसंचार कंपन्यांना स्पेक्ट्रम वाटप पत्र जारी केले होते. यानंतर सरकारने त्यांना 5G सेवांच्या रोलआउटची तयारी करण्यास सांगितले. या स्पेक्ट्रम वाटपासह, भारत हाय-स्पीड 5G दूरसंचार सेवा सुरू करण्याच्या अंतिम टप्प्यात पोहोचला आहे. रिलायन्स जिओने या दिवाळीपर्यंत दिल्ली, मुंबई, कोलकाता आणि चेन्नई यासारख्या अनेक मोठ्या शहरांमध्ये हाय-स्पीड 5G टेलिकॉम सेवा सुरू करणार असल्याची घोषणा केली आहे. यानंतर, डिसेंबर 2023 पर्यंत त्यांचे 5G नेटवर्क देशभरातील प्रत्येक शहरात विस्तारले जाईल.
कशी असेल 5Gची स्पीड
5G हे पाचव्या पिढीचे(5th Geeration) मोबाइल नेटवर्क आहे. मोठ्या प्रमाणात डेटाचे आदान-प्रदान करण्यासाठी 5Gचा उपयोग होईल. 3G आणि 4G च्या तुलनेत, 5G 10 पट वेगवान असण्याची अपेक्षा आहे. 5G रोलआउटमुळे खाणकाम, वेअरहाउसिंग, टेलिमेडिसिन आणि उत्पादन यासारखी क्षेत्रे रिमोट डेटा मॉनिटरिंगमध्ये आणखी प्रगती होण्याची अपेक्षा आहे.
सरकारला किती महसूल मिळाला
स्पेक्ट्रम लिलावात रिलायन्स जिओ, अदानी ग्रुप, भारती एअरटेल आणि व्होडाफोन आयडिया हे चार प्रमुख सहभागी होते. लिलावातून दूरसंचार विभागाला एकूण 1.50 लाख कोटी रुपयांच्या बोली मिळाल्या. लिलावातून मिळणारा महसूल सुरुवातीला 80,000-90,000 कोटी रुपये असण्याचा अंदाज होता.