६ हजार कोटींची फसवणूक, विजय मल्ल्याकडून १४ हजार कोटी वसूल; आता स्वत: मागितला न्याय

विजय मल्ल्या याने १४,१३१ कोटी रुपयांचे वसुलीवरुन ईडीवर टीका केली. ईडीने मोठ्या प्रमाणात बेकायदेशीर संपत्ती शोधून जप्त केली, यामध्ये बँक कंसोर्टियमला ​​२०२१ मध्ये १४,१३० कोटी रुपयांची मालमत्ता जमा करण्याचे आदेश देण्यात आले होते.

देशात फसवणूक संबंधात वेगवेगळ्या प्रकरणात ईडीने २२ हजार कोटी रुपये वसूल केले आहेत. यात फरारी उद्योगपती विजय मुल्ल्या यांच्याकडून १४ हजार १३१ कोटी रुपये वसूल केले आहेत, अशी माहितील काल लोकसभेत अर्थमंत्री निर्मला सीतारामन यांनी दिली. दरम्यानन, आता विजय मुल्ल्या याने ईडीवर टीका केली आहे.

प्रियांका गांधी : संसदेत आल्या आणि जिंकल्या!

सोशल मिडिया प्लॅटफॉर्म एक्सवर त्यांनी पोस्ट केली. या पोस्टमध्ये मल्ल्या म्हणाले, "कर्ज वसुली न्यायाधिकरणाने KFA कर्जाचे मूल्य ६,२०३ कोटी ठरवले, ज्यात १,२०० कोटी व्याजही होते. अर्थमंत्र्यांनी संसदेत घोषणा केली की ED च्या माध्यमातून ६,२०३ कोटींऐवजी १४,१३१ कोटी रुपये पुनर्प्राप्त करण्यात आले, आणि मी अजूनही आर्थिक अपराधी आहे.

विजय मल्ल्या म्हणाले, "जोपर्यंत ईडी आणि बँक कायदेशीररित्या हे सिद्ध करू शकत नाहीत की त्यांनी दुप्पट कर्जाची वसुली केली आहे, तोपर्यंत मी दिलासा मिळण्यास पात्र आहे, त्यासाठी मी प्रयत्न करेन."

फायनान्शिअल ॲक्शन टास्क फोर्सच्या अहवालानुसार, मल्ल्याविरोधात २०१५ आणि २०१६ मध्ये अनेक गुन्हे दाखल करण्यात आले होते. कर्ज मिळवून बँकेच्या नेतृत्वाखालील कंसोर्टियमची फसवणूक करण्यासाठी त्यांच्याकडून गुन्हेगारी कट रचण्यात आल्याचा आरोप आहे. शेल कंपन्यांचा वापर करून ही रक्कम भारतात आणि परदेशात वळवण्यात आली.

ईडीने ११,२९० कोटी रुपये किमतीच्या गुन्ह्यांची ओळख पटवली, त्यापैकी ५,०४० कोटी रुपये २०१६ मध्ये तात्पुरत्या संलग्नक आदेशांद्वारे जप्त करण्यात आले. त्याच वर्षी मल्ल्याला भारतातून फरार म्हणून गुन्हेगार घोषित करण्यात आले होते. CrPC च्या कलम ८३ अन्वये १,६९० कोटी रुपयांची मालमत्ता देखील जप्त करण्यात आली आहे.

२०१६ आणि २०२० दरम्यान, ED ने आठ देशांना २१ एग्मोंट विनंत्या आणि पत्रे जारी केली. या प्रयत्नांमुळे फ्रान्समधील १.६ मिलियन डॉलर किमतीची मालमत्ता आणि भारत आणि परदेशातील इतर मालमत्तांसह विविध मालमत्ता जप्त करण्यात आल्या.

मल्ल्याला २०१९ मध्ये फरारी आर्थिक गुन्हेगार घोषित करण्यात आले होते आणि त्याच वर्षी यूकेमधून त्याचे प्रत्यार्पण मंजूर झाले असताना, चालू असलेल्या न्यायालयीन प्रक्रियेमुळे त्याचे भारतात परत येण्यास विलंब झाला आहे.

The Debt Recovery Tribunal adjudged the KFA debt at Rs 6203 crores including Rs 1200 crores of interest. The FM announced in Parliament that through the ED,Banks have recovered Rs 14,131.60 crores from me against the judgement debt of Rs 6203 crores and I am still an economic…

— Vijay Mallya (@TheVijayMallya) December 18, 2024