भीषण अपघात! ऑडी कारची विजेच्या खांबाला जोरदार धडक, आमदाराच्या मुलासह 7 जणांचा मृत्यू
By ऑनलाइन लोकमत | Published: August 31, 2021 09:36 AM2021-08-31T09:36:43+5:302021-08-31T09:44:33+5:30
7 people killed in a car accident in Koramangala area of Bengaluru : बंगळुरू शहरातील कोरोमंगलामध्ये ही मोठा दुर्घटना घडली. साधारण रात्री 1 वाजून 45 मिनिटांनी हा अपघात झाला.
भीषण अपघात! ऑडी कारची विजेच्या खांबाला जोरदार धडक, आमदाराच्या मुलासह 7 जणांचा मृत्यू
Next नवी दिल्ली - कर्नाटकमध्ये भीषण अपघात झाला आहे. ऑडी कारची विजेच्या खांबाला जोरदार धडक बसली आहे. या अपघातात आमदाराच्या मुलासह 7 जणांचा मृत्यू झाल्याची माहिती मिळत आहे. मिळालेल्या माहितीनुसार, बंगळुरू शहरातील कोरोमंगलामध्ये ही मोठा दुर्घटना घडली. साधारण रात्री 1 वाजून 45 मिनिटांनी हा अपघात झाला. ऑडी अत्यंत वेगात असून त्यामुळेच चालकाचे वाहनावरील नियंत्रण सुटल्याने ती विजेच्या खांबावर आदळली. यामध्ये सहा जणांचा जागीच मृत्यू झाला तर एकाला उपचारासाठी रुग्णालयात नेत असताना त्याचा मृत्यू झाला.
बंगळुरू अपघातात मृत्युमुखी पडलेल्या सात लोकांमध्ये तामिळनाडूमधील होसूरच्या डीएमके आमदाराचा मुलगा आणि सूनेचा देखील समावेश असल्याची माहिती मिळत आहे. करुणा सागर आणि बिंदू यांचा मृत्यू झाला आहे. अपघात इतका भीषण होता की यामध्ये ऑडी कारचा अक्षरश: चक्काचूर झाला आहे. मृतांमध्ये तीन महिला आणि चार पुरुषांचा समावेश आहे. करुणा सागर, बिंदू (28), इशिता (21), डॉ. धनासु (21), अजय गोयल, उत्सव आणि रोहित (23) अशी मृतांची नावं आहेत.
#UPDATE | The seven people who died in the Bengaluru accident include Karuna Sagar and Bindu, son & daughter-in-law of DMK MLA from Hosur (Tamil Nadu) Y Prakash, the MLA confirms
— ANI (@ANI) August 31, 2021
The couple was travelling in the Audi car which hit a street light pole, leading to the accident