मद्यधुंद कंटेनरचालकाने कारला ठोकरले, अनेक किलोमीटरपर्यंत फरफटत नेले, त्यानंतर…

Uttar Pradesh News: तुम्ही चित्रपटांमध्ये खूप स्टंट्स पाहिले असतील. मात्र अशाच फिल्मी स्टाईलमध्ये एका कारला कंटेनरचालकान फरफटत नेल्याचा धक्कादायक व्हिडीओ समोर आला आहे.

तुम्ही चित्रपटांमध्ये खूप स्टंट्स पाहिले असतील. मात्र अशाच फिल्मी स्टाईलमध्ये एका कारला कंटेनरचालकान फरफटत नेल्याचा धक्कादायक व्हिडीओ समोर आला आहे. हा व्हिडीओ उत्तर प्रदेशमधील मेरठ येथील आहे. येथे एका मद्यधुंद कंटेनरचालकाने कारला धडक देऊन काही किलोमीटरपर्यंत फरफटत नेले. रस्त्यावरील लोकांनी आरडाओरडा करून त्याला थांबवण्याचा प्रयत्न केला. मात्र त्याला यश आले नाही. मेरठमधील घटनेचा व्हिडीओ आता व्हायरल होत आहे.

मात्र एवढा भीषण अपघात होऊनही सुदैवाने कारमधील चार तरुण बचावले. सर्वांनी कसेबसे आपले प्राण वाचवले. दरम्यान, या मद्यधुंद ड्रायव्हरचं कृत्य रस्त्यावरील लोकांनी आपल्या मोबाईलमध्ये टिपलं आहे. तसेच ते सोशल मीडियावर व्हायरल केलं आहे.  

दरम्यान, या घटनेची दखल पोलिसांनी घेतली असून, तपासाला सुरुवात केली आहे. तसेच आरोपी ड्रायव्हरला ताब्यात घेण्यात आले आहे. आता त्याची चौकशी सुरू आहे. या प्रकरणी दोषी आरोपीवर कठोर कारवाई करण्यात येईल, असेही पोलिसांनी सांगितले.  सदर कंटेनरचालक कारला फरफटत नेत होता. अखेर एका पोलीस कर्मचाऱ्याना हिंमत करून हा कंटेनर अडवला आणि चालकाला ताब्यात घेतले. पकडण्यात आले तेव्हा हा ड्रायव्हर मद्यधुंद अवस्थेत होता. 

हा व्हिडीओ उत्तर प्रदेशमधील मेरठ येथील परतापूर ठाणे परिसरातील असल्याचे सांगण्यात येत आहे. या प्रकारादरम्यान कारमधून प्रवास करत असलेल्या तरुणांचे प्राण संकटात सापडले होते. मात्र त्यांनी प्रसंगावधान राखत आपले प्राण वाचवले. दरम्यान, पोलिसांनी सदर कंटेनर चालकाला ताब्यात घेतले.