हृदयद्रावक! दारूच्या नशेत आईची केली हत्या; भाऊ आणि वडिलांवरही केला जीवघेणा हल्ला

घरगुती वादातून मुलाने आपल्या वृद्ध आईला बेदम मारहाण केल्याची घटना घडली आहे.

नवी दिल्ली : घरगुती वादातून मुलाने आपल्या वृद्ध आईला बेदम मारहाण केली, तर वडील आणि मोठ्या भावाला जखमी केल्याची घटना घडली आहे. दारूच्या नशेत असलेल्या मुलाने आईची हत्या केली असल्याचे उघडकीस आले आहे. त्याने आईला मारहाण केली आणि जखमी झाल्यावर तिची हत्या केली.  भाऊ व वडिलांनी त्याला तसे करण्यास मनाई केली असता मद्यधुंद व्यक्तीने त्यांनाही काठीने मारहाण करून जखमी केले. ही घटना बिहार मधील जमुई जिल्ह्यातील गिद्दौर पोलीस स्टेशन हद्दीतील केवाल गावातील आहे. घटनेची माहिती मिळताच पोलिसांनी घटनास्थळ गाठून मृतदेह ताब्यात घेऊन पुढील कारवाई सुरू केली आहे. 

दरम्यान, गिधौर पोलीस स्टेशन हद्दीतील केवाल गावातील ४० वर्षीय काशी मांझी शनिवारी रात्री मद्यधुंद अवस्थेत होता. घरी परतल्यावर त्याच्यात आणि त्याच्या भावाच्या मुलामध्ये भांडण झाले. याच मुलांच्या भांडणावरून काशी मांझी याचा भावासोबत वाद झाला होता. वाद सुरू असताना त्याची ६० वर्षीय आई धरणी देवी मदतीला आली, तेव्हा नशेत असलेल्या काशीने त्याच्या आईवर काठीने हल्ला केला, त्यामुळे आई जखमी होऊन जमिनीवर पडली. जमिनीवर पडलेल्या आईच्या कपाळावरही त्याने दगडाने वार केल्याने तिचा जागीच मृत्यू झाल्याचे सांगण्यात येत आहे.

हत्या करून आरोपी फरार
काशी मांझीने आपल्या वृद्ध आईला ठार करून आणि भाऊ आणि वडिलांना जखमी करून तिथून पळ काढला. हा प्रकार ग्रामस्थांच्या लक्षात येताच पोलिसांना माहिती देण्यात आली. त्यानंतर पोलिसांनी घटनास्थळ गाठून मृतदेह ताब्यात घेऊन घटनेचा तपास सुरू केला. हत्येतील आरोपी आणि फरार काशी मांझी याच्या अटकेसाठी पोलीस छापे टाकत आहेत. 

पोलिसांकडून आरोपीचा शोध सुरू 
गिधौर पोलीस स्टेशनचे प्रभारी कांत प्रसाद यांनी सांगितले की, धारणी देवी या वृद्ध महिलेला मारहाण करण्यात आली, ज्यासाठी तिचा मुलगा काशी मांझी याला आरोपी करण्यात आले आहे. तो दारूच्या नशेत असल्याचेही नातेवाईकांनी सांगितले आहे. फरार काशी मांझी याला पकडण्यासाठी पोलीस छापे टाकत आहेत.

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"