तिहार जेलमधून अरविंद केजरीवाल यांची महिलांसाठी मोठी घोषणा; आतिशी यांनी दिला मेसेज
By ऑनलाइन लोकमत | Published: April 29, 2024 05:02 PM2024-04-29T17:02:18+5:302024-04-29T17:02:47+5:30
AAP Arvind Kejriwal : आतिशी यांनी सोमवारी तिहार जेलमध्ये असलेले दिल्लीचे मुख्यमंत्री अरविंद केजरीवाल यांची भेट घेतली.
तिहार जेलमधून अरविंद केजरीवाल यांची महिलांसाठी मोठी घोषणा; आतिशी यांनी दिला मेसेज
आपच्या नेत्या आतिशी यांनी सोमवारी तिहार जेलमध्ये असलेले दिल्लीचे मुख्यमंत्री अरविंद केजरीवाल यांची भेट घेतली. यानंतर दिल्ली सरकारच्या मंत्री आतिशी यांनी म्हटलं की, "मुख्यमंत्र्यांनी त्यांना सांगितलं आहे की, उन्हाळ्यात दिल्लीत पाण्याची कमतरता भासू नये. प्रत्येकाला औषधं मिळत राहिली पाहिजेत. लवकरच 1000 रुपये प्रति महिना दिले जातील."
आतिशी यांनी आपल्या सोशल मीडिया अकाऊंटवर याबाबत पोस्ट केली आहे. "जेलमध्ये असतानाही अरविंद केजरीवाल यांना स्वतःची नाही तर 2 कोटी दिल्लीकरांची चिंता आहे. आज जेलमध्ये भेटीदरम्यान त्यांनी दिल्लीच्या सरकारी शाळांमध्ये शिकणाऱ्या मुलांच्या शिक्षणाची माहिती घेतली आणि उन्हाळ्यात दिल्लीत पाण्याची कमतरता भासू नये यासाठी व्यवस्था करण्याच्या सूचना दिल्या."
.@ArvindKejriwal जी को जेल में भी अपनी नहीं बल्कि 2 करोड़ दिल्लीवासियों की चिंता है।
— Atishi (@AtishiAAP) April 29, 2024
आज जेल में मुलाक़ात के दौरान पूरे समय उन्होंने दिल्ली सरकार के स्कूलों में पढ़ रहे बच्चों की पढ़ाई के बारे में जानकारी ली, गर्मियों में दिल्ली में पानी की कमी न हो उसके इंतज़ाम करने के निर्देश…
"मुख्यमंत्र्यांनी दिल्लीतील त्यांच्या माता, बहिणी आणि मुलींसाठीही मेसेज पाठवला आहे की, ते लवकरच बाहेर येतील आणि दिल्लीतील महिलांना दरमहा 1000 रुपये देण्याचे वचन निश्चितपणे पूर्ण करतील" असं म्हटलं आहे. आतिशी यांनी 2024-25 च्या अर्थसंकल्पात दिल्लीतील महिलांना दरमहा एक हजार रुपये देण्याची घोषणा केली होती.
दिल्लीचे मुख्यमंत्री अरविंद केजरीवाल यांना 21 मार्च रोजी ईडीने अटक केली होती. मुख्यमंत्री सात मे पर्यंत न्यायालयीन कोठडीत आहेत. मंगळवारी पंजाबचे मुख्यमंत्री भगवंत मान हे अरविंद केजरीवाल यांची जेलमध्ये भेट घेणार आहेत. जेलमध्ये ही त्यांची दुसरी भेट असेल.