पुण्याला येणा-या झेलम एक्सप्रेसला अपघात

जम्मूहून पुण्याच्या दिशेने येणा-या झेलम एक्सप्रेसला मंगळवारी पहाटे लुधियानाजवळ अपघात झाला.

 ऑनलाइन लोकमत 

लुधियाना, दि ४ - जम्मूहून पुण्याच्या दिशेने येणा-या झेलम एक्सप्रेसला मंगळवारी पहाटे लुधियानाजवळ अपघात झाला. लुधियाना जवळच्या फिलौर येथे झेलम एक्सप्रेसचे नऊ डब्बे रुळावरुन घसरले. मध्यरात्री तीन ते साडेतीन दरम्यान हा अपघात झाला. 

 

या दुर्घटनेत दोन जण जखमी झाले असून, त्यांना लुधियानाच्या सिव्हील रुग्णालयात दाखल करण्यात आले आहे. जम्मूहून पुण्याच्या दिशेने ही ट्रेन येत असताना अपघात झाला. 

 

ट्रेन सतलज ब्रिजच्या दिशेने जात असताना बी ५स एस १, पीसी, एस २, एस ३, एस ४ एस ५, एस ६, एस ७ आणि एस ८ हे डब्बे रुळावरुन घसरले. अद्यापपर्यंत मोठया प्रमाणावर जिवीतहानी झाल्याचे वृत्त नाही. मदतीसाठी तीन बस घटनास्थळी दाखल झाल्या आहेत. 

 

#SpotVisuals Nine bogies of Jhelum Express derail between Jalndhar and Ludhiana in Punjab, two injured pic.twitter.com/oFqxnfHyW3

— ANI (@ANI_news) October 4, 2016