महागाईचा धडाका सुरूच! आणखी एका धक्क्यासाठी तयार रहा; LPG सिलेंडरनंतर, CNG-PNG च्या किंमतीही वाढणार!

...तर मुंबईत सीएनजीचा पुरवठा करणाऱ्या एमजीएललाही अशीच पावले उचलावी लागतील.

नवी दिल्ली -दिल्ली आणि मुंबईसारख्या शहरांमध्ये ऑक्टोबर महिन्यात सीएनजी आणि पीएनजी (पाईप लाईन केलेला स्वयंपाकाचा गॅस)च्या किंमती 10 ते 11 टक्क्यांनी वाढण्याची शक्यता आहे. आयसीआयसीआय सिक्युरिटीजच्या एका अहवालात हा अंदाज वर्तवण्यात आला आहे.  या अहवालानुसार, सरकारने निश्चित केलेल्या गॅसच्या किमतीत सुमारे 76 टक्के वाढ होणार आहे, याचा परिणाम थेट सीएनजी आणि पीएनजीच्या किंमतींवरही होईल. (After LPG cylinders now the CNG PNG prices can increase up to 10 percent from october)

सरकार अधिकचा गॅस असलेल्या देशांच्या दराचा वापर करते. सरकारी ऑईल आणि नैसर्गिक गॅस कॉर्पोरेशनसारख्या (ओएनजीसी) कंपन्यांना नामांकनाच्या आधारे देण्यात आलेल्या क्षेत्रासाठी सरकार दर सहा महिन्याला नैसर्गिक गॅसच्या किंमतींचा आढावा घेते. पुढील समीक्षा 1 ऑक्टोबरला होणार आहे.

ब्रोकरेज कंपनीने म्हटले आहे, की 1 ऑक्टोबर, 2021 ते 31 मार्च, 2022 पर्यंत एपीएम वाढून 3.15 डॉलर प्रती युनिट (एमएमटीटीयू) झाला आहे. आता हा दर 1.79 डॉलर प्रती येनिट एवढा आहे. रिलायन्स इंडस्ट्रीज आणि बीपी पीएलसीच्या केजी-डी6 क्षेत्रात गॅसचा दर 7.4 डॉलर प्रती एमएमबीटीयू एवढा होईल.

आता खासगी कंपनीकडून तुम्ही विकत घेऊ शकता LPG सिलेंडर; केंद्र सरकारची नवी रणनीती

"एपीएम गॅसच्या किमतीत वाढ करणे, हे शहर गॅस वितरण (सीजीडी) कंपन्यांसाठी आव्हान असेल," असे अहवालात म्हणण्यात आले आहे. याचा अर्थ त्यांच्यासाठी सीएनजी आणि पाईपद्वारे येणाऱ्या नैसर्गिक गॅसची किंमत वाढेल. एपीएम गॅसच्या किमती वाढल्यामुळे दिल्ली आणि आसपासच्या भागात सीएनजीचे वितरण करणारी कंपनी इंद्रप्रस्थ गॅस लि. (IGL)ला पुढील एक वर्षात किंमतीत मोठी वाढ करावी लागेल. मुंबईत सीएनजीचा पुरवठा करणाऱ्या एमजीएललाही अशीच पावले उचलावी लागतील.