राम मंदिर उद्घाटनानंतर भाजपची मोठी तयारी! पीएम मोदींच्या नेतृत्वात देशात १४० रॅली, ५१ टक्क्यांचं लक्ष्य

भाजपने लोकसभा निवडणुकीसाठी जोरदार तयारी सुरू केली आहे.

PM Narendra Modi ( Marathi News ) : अयोध्येतील राम मंदिरात २२ जानेवारी रोजी प्राणप्रतिष्ठा सोहळा होणार असून या सोहळ्याची जोरदार तयारी सुरू आहे. या सोहळ्यानंतर लगेचच भाजप लोकसभेच्या मैदानात उतरणार आहे. सुरुवातीला भाजप 'गांव चलो अभियान' लाँच करण्याच्या तयारीत आहे. या माध्यमातून भाजपचे नेते ४ ते ११ फेब्रुवारी दरम्यान गावा गावात पोहोचणार आहेत, या निवडणुकीत भाजपने गावागावांना फोकस केले आहे. या कॅम्पेनमध्ये भाजपचे नेते गावागावत मोदी सरकाच्या कामाची माहिती देणार असल्याचे बोलले जात आहे. 

‘डोनेट फॉर देश’ मोहिमेतून पक्षाला किती देणगी मिळाली? काँग्रेस नेत्याने आकडाच सांगितला

लोकसभा निवडणुकीपूर्वी भाजपचे हे सर्वात मोठे अभियान आहे. या काळात पीएम नरेंद्र मोदी देशभरात १४० सभा घेणार आहेत. 'गाव चलो अभियानांतर्गत प्रत्येक बूथवर पक्षाला ५१ टक्के मते मिळावीत, असे लक्ष्य ठेवण्यात आले आहे. २०१९ च्या लोकसभा निवडणुकीतही भाजपने असा प्रचार केला होता, अशी माहिती आहे. याचा फायदाही मतदारांशी जोडण्यात पक्षाला झाल्याचे बोलले जात आहे.

या कॅम्पेनसाठी भाजपने जोरदार तयारी केली

या कॅम्पेनसाठी भाजपने टीम तयार केल्या आहेत. याअंतर्गत राज्यस्तरीय टीम तयार करण्यात येणार असून त्यात एक निमंत्रक आणि चार सहसंयोजक असतील. जिल्हास्तरीय टीममध्ये एक संयोजक आणि दोन सहसंयोजक असतील. विभागीय टीममध्ये एक समन्वयक असेल. गाव आणि शहरी संघांचे समन्वयक असतील. ही मोहीम ११ फेब्रुवारीला संपली तरी कामगारांच्या जबाबदाऱ्या संपणार नाहीत. लोकसभा निवडणूक संपेपर्यंत गावात किंवा शहरी बूथला भेट देणाऱ्या कार्यकर्त्याला १५ दिवसांतून एकदा भेट द्यावी लागेल.

तर दुसरीकडे, पंतप्रधान नरेंद्र मोदी स्वत: रोड शो मध्ये सहभाग घेणार आहेत. यादरम्यान ते १४० हून अधिक लोकसभा मतदारसंघातील प्रभारींकडून पक्षाच्या उमेदवारांची माहिती घेणार आहेत. हे सर्व राम मंदिर प्राणप्रतिष्ठा सोहळ्यानंतर होणार असल्याचे पक्षाशी संबंधित लोकांनी सांगितले. क्लस्टरमध्ये लोकसभेच्या ७-८ जागा आहेत. याचे नेतृत्व स्थानिक भाजप नेत्याकडे आहे, पण तो निवडणूक लढवत नाही. पंतप्रधान मोदी प्रत्येक क्लस्टरमधून किमान एका मतदारसंघाला भेट देणार आहेत, तिथे ते मोठी रॅली किंवा रोड शो करताना दिसतील. पीएम मोदी क्लस्टर प्रभारी तसेच मतदारसंघातील स्थानिक नेत्यांशीही संवाद साधणार आहेत. बाजप विरोधी पक्षांनीही लोकसभेची जोरदार तयारी केली असून इंडिया आघाडीची जागावाटपाबाबत चर्चा सुरू आहेत.