Gaganyaan: ISRO च्या यशाला एलन मस्कची दाद; 'विकास इंजिन'च्या चाचणीनंतर 'तिरंगा' वापरून ट्विट

Gaganyaan: एलन मस्क यांनी ट्विट करत ISRO ला शुभेच्छा दिल्या आहेत.

ठळक मुद्देएलन मस्कने दिल्या ISRO ला शुभेच्छागगनयान मोहिमेला समर्थन दर्शवलेISRO कडून विकास इंजिन चाचणी यशस्वी

नवी दिल्ली: आताच्या घडीला भारतीय अवकाश संशोधन संस्था म्हणजे ISRO च्या गगनयान मोहिमेची जय्यत तयारी सुरू आहे. इस्रोचे मानवरहित गगनयान डिसेंबरमध्ये अवकाशात झेपावणार आहे. इस्रोने विकास इंजिनच्या तिसऱ्या लांब पल्ल्यासाठीचे तापमान परीक्षण केले. गगनयान मोहीमेसाठी या इंजिनाचा वापर केला जाणार आहे. यावर टेस्ला आणि स्पेस एक्सचे प्रमुख एलन मस्क यांनी प्रतिक्रिया दिली असून, गगनयान मोहिमेला समर्थन दर्शवत इस्रोचे कौतुक केले आहे. (after vikas engine test success elon musk shows support to isro for gaganyaan mission)

गगनयान मोहिमेतील एक महत्त्वाचा टप्पा बुधवारी पार पडला. 'इस्रो'चे द्रवरूप इंधनावर आधारित विकास इंजिन हे मानवी श्रेणीच्या रॉकेटचे निकष पूर्ण करते की नाही, हे तपासण्यासाठी महेंद्रगिरी येथे चाचण्या पार पडल्या. विकास इंजिनाची सलग तिसऱ्यांदा चाचणी यशस्वी झाली. यानंतर एलन मस्क यांनी ट्विट करत इस्रोला शुभेच्छा दिल्या आहेत. 

TATA ग्रुपमध्ये पार्टनर होण्याची उत्तम संधी! केवळ १० हजार गुंतवा आणि मोठी कमाई करा

इस्रोची अद्भूत कामगिरी

इस्रोने केलेली कामगिरी अतिशय अद्भूत असून, खूप प्रभावी असल्याचे ट्विट एलन मस्क यांनी केले आहे. इतकेच नव्हे, तर दुसऱ्या एका ट्विटमध्ये भारताच्या तिरंगा ध्वजासह शुभेच्छाही दिल्या आहेत. विकास इंजिनाच्या यशस्वी चाचणीनंतर इस्रोने या परीक्षणाबाबत ट्वीटरवर माहिती दिली होती. इस्रोच्या 'जीएसएलव्ही मार्क-३  रॉकेटची संपूर्ण रचना आणि निर्मिती स्वदेशी असून, त्यामध्ये 'इस्रो'तर्फे १९८०च्या दशकात विकसित करण्यात आलेल्या विकास इंजिनाची महत्त्वाची भूमिका आहे.

Congratulations! 🇮🇳

— Elon Musk (@elonmusk) July 14, 2021

गगनयानच्या माध्यमातून माणूस अंतराळात जाणार

 इस्रो गगनयानच्या माध्यमातून माणसाला अंतराळात घेऊन जाणं, तसेच तिथून परत आणण्यासाठी काम करत आहे. विकास इंजिन २४० सेकंद चालवण्यात आले. यावेळी इंजिन व्यवस्थित काम करत असल्याचे इस्रोकडून सांगण्यात आले. पंतप्रधान नरेंद्र मोदी यांनी १५ ऑगस्ट २०१८ रोजी स्वातंत्र्यदिनाच्या भाषणात या मोहिमेची घोषणा केली होती. 

ठरलं! ‘या’ महिन्यात येणार LIC चा IPO; केंद्राची मंजुरी, नितीन गडकरींचाही सहभाग

दरम्यान, मानवी अवकाश मोहीम भारताच्या स्वातंत्र्याच्या पंचाहत्तरी अगोदर म्हणजे १५ ऑगस्ट २०२२ अगोदर व्हावी असे उद्दिष्ट ठेवण्यात आले होते. इस्रो या मोहिमेत फ्रान्स, रशिया, अमेरिका यांच्या अवकाश संस्थांची मदत घेत असून, काही घटक हे देश पुरवणार आहेत.