Agnipath Scheme Protest | PM मोदींच्या मदतीला धावले CM योगी; 'अग्निपथ' विरोधातील 'आग' शमवण्यासाठी मोठी घोषणा

अग्निपथ योजनेला देशातील विविध राज्यात विरोध केला जात आहे.

Agnipath Scheme Protest, PM Modi CM Yogi | लष्करासंबंधी असलेल्या अग्निपथ योजनेची घोषणा झाल्यापासूनच या योजनेविरोधात ठिकठिकाणी निदर्शने करण्यात येत आहेत. पंतप्रधान मोदी आणि केंद्र सरकारवर विरोधकांकडून विविध आरोप केले जात आहेत. देशातील अनेक राज्यांमध्ये आंदोलनाल हिंसक वळण लागल्याचेही चित्र आहे. अनेक ठिकाणी आंदोलकांनी सरकारी मालमत्तेचे मोठे नुकसान केले असल्याचीही माहिती आहे. अशातच पंतप्रधान मोदी यांच्या मदतीला उत्तर प्रदेशचे मुख्यमंत्री योगी आदित्यनाथ धावून आले आहेत. योगी आदित्यनाथ यांनी अग्निपथ विरोधातील वैचारिक आग शमवण्यासाठी एक मोठी घोषणा केली.

आदरणीय प्रधानमंत्री जी के मार्गदर्शन में 'अग्निपथ योजना-2022' के लिए अधिकतम प्रवेश आयु को 21 वर्ष से बढ़ाकर 23 वर्ष करने का निर्णय अभिनंदनीय है।

असंख्य युवाओं में आशा व उत्साह का संचार करती इस सौगात हेतु आपका हार्दिक आभार प्रधानमंत्री जी!

— Yogi Adityanath (@myogiadityanath) June 17, 2022

मुख्यमंत्री योगी आदित्यनाथ यांनी शुक्रवारी तरूणांना एक विशेष आश्वासन दिले. याच संदर्भात योगी आदित्यनाथ यांनी एक ट्वीटदेखील केले आहे. योगीं व्यतिरिक्त देशाचे गृहमंत्री अमित शाह यांनीही आंदोलक तरूणांना आणि विद्यार्थ्यांना शांतता राखण्याचे आवाहन केले आहे.  अग्निपथ योजनेच्या घोषणेनंतर देशातील अनेक राज्यांमध्ये याला विरोध केला जात आहे. या हिंसक आंदोलनांच्या दरम्यान योगी आदित्यनाथ यांनी मोठी घोषणा केली. अग्निपथ योजनेअंतर्गत यशस्वी झालेल्यांना अग्निवीरांना सरकारी नोकऱ्यांमध्ये प्राधान्यक्रम असेल अशी घोषणा त्यांनी केली. आदित्यनाथ म्हणाले की, केंद्र सरकारने अग्निपथ योजनेसाठी विशिष्ट वयाची अट ठेवली आहे. अग्निपथ योजनेअंतर्गत लष्करात चार वर्षे देशाची सेवा केल्यानंतर अग्नीवीरांना उत्तर प्रदेशामध्ये नोकऱ्यांच्या वेळी प्राधान्य दिले जाणार आहे.

युवा साथियो,

'अग्निपथ योजना' आपके जीवन को नए आयाम प्रदान करने के साथ ही भविष्य को स्वर्णिम आधार देगी। आप किसी बहकावे में न आएं।

माँ भारती की सेवा हेतु संकल्पित हमारे 'अग्निवीर' राष्ट्र की अमूल्य निधि होंगे व @UPGovt अग्निवीरों को पुलिस व अन्य सेवाओं में वरीयता देगी।

जय हिंद

— Yogi Adityanath (@myogiadityanath) June 16, 2022

योगी आदित्यनाथ यांनी ट्वीट करून अशी माहितीदेखील दिली की, अग्निपथ योजनेत सामील होऊन सशस्त्र सेवा दलात कार्य करणाऱ्या तरूणांना नंतर राज्यातील पोलीस आणि इतर विभागातील नोकऱ्यांमध्येही प्राधान्य दिले जाईल. त्यामुळे त्यांनी असे आवाहन केले की कोणत्याही विद्यार्थ्यांनी अग्निपथ विरोधात पसरवण्यात आलेल्या अफवांना किंवा दाव्यांना बळी पडू नका. शांतता राखा.

अग्निपथ योजनेमुळे नाराज झालेल्या तरूणांना समजवताना मुख्यमंत्री योगी आदित्यनाथ म्हणाले, "तरूणांनो, भारताची अग्निपथ योजना तुमच्या आयुष्याला नवा आयाम देईल तसेच भविष्याला सुवर्ण आधार देईल. तुम्ही कोणत्याही चुकीच्या माहितीला बळी पडू नका. भारतमातेची सेवा करण्याचा निश्चय करणारे आमचे 'अग्निवीर' हा राष्ट्राचा अमूल्य निधी असेल आणि उत्तर प्रदेश सरकार अग्निवीरांना पोलीस आणि इतर सेवांमध्ये प्राधान्य देईल."

आदरणीय प्रधानमंत्री जी के मंशानुरूप 'अग्निपथ योजना' युवाओं को राष्ट्र व समाज की सेवा हेतु तैयार करेगी, उन्हें गौरवपूर्ण भविष्य का अवसर प्रदान करेगी। @UPGovt आश्वस्त करती है कि 'अग्निवीरों' को सेवा के उपरांत पुलिस व पुलिस के सहयोगी बलों में समायोजित करने में प्राथमिकता दी जाएगी।

— Yogi Adityanath (@myogiadityanath) June 16, 2022

तत्पूर्वी गुरुवारी देखील मुख्यमंत्री योगी आदित्यनाथ यांनी या योजनेचे कौतुक केले होते आणि अग्निपथ योजना तरुणांना देश आणि समाजाच्या सेवेसाठी तयार करेल असे सांगितले होते. त्यांना अभिमान वाटेल अशा भविष्याची संधी देईल. उत्तर प्रदेश पोलीस आणि  त्यासंबंधी दलांमध्ये अग्निवीरांना सेवेत प्राधान्य दिले जाईल, असेही आश्वासन देण्यात आले होते.