बापरे! पत्नीकडे फ्रेंच किस मागून पतीने केलं असं काही...

पती-पत्नीत काही कारणांमुळे वाद झाला. मात्र हा वाद मिटल्याचं भासवून पतीने पत्नीकडे फ्रेंच किस मागितला.

ठळक मुद्देफ्रेंच किस न करता पत्नीची जीभ कापल्याची धक्कादायक घटना समोर आली आहे. अहमदाबादमध्ये ही धक्कादायक घटना घडली आहे.पत्नीची जीभ कापल्यानंतर पती फरार झाला आहे. त्यामुळे पोलीस आरोपी पतीचा शोध घेत आहेत. 

अहमदाबाद - पती-पत्नीमध्ये काही कौटुंबिक कारणांवरून वाद झाल्याचा घटना या समोर येत असतात. पण त्यातील काही भांडणं ही काही वेळेस विकोपाला ही जातात. असाच एक प्रकार अहमदाबादमध्ये घडला आहे. पती-पत्नीत काही कारणांमुळे वाद झाला. मात्र हा वाद मिटल्याचं भासवून पतीने पत्नीकडे फ्रेंच किस मागितला. पण फ्रेंच किस न करता पत्नीची जीभ कापल्याची धक्कादायक घटना समोर आली आहे. 

मिळालेल्या माहितीनुसार, अहमदाबादमध्ये ही धक्कादायक घटना घडली आहे. तस्लीम असं पीडित महिलेचं नाव आहे. या प्रकरणी महिलेने पतीविरोधात वेजलपूर पोलीस ठाण्यात तक्रार दाखल केली आहे. पत्नीची जीभ कापल्यानंतर पती फरार झाला आहे. त्यामुळे पोलीस आरोपी पतीचा शोध घेत आहेत. 

पोलिसांनी दिलेल्या माहितीनुसार, तस्लीमचं पतीसोबत काही कारणांमुळे रोज भांडण होत असे. त्याचप्रमाणे बुधवारी ही भांडण झालं. मात्र पतीने ते भांडण तिला विसरायला सांगितलं आणि भांडण मिटवल्याचं भासवलं. तसेच तस्लीमकडे फ्रेंच किस मागितला. पती खरंच भांडण विसरण्याच्या तयारीत आहे असा समज तस्लीमचा झाला आणि ती किस द्यायला तयार झाली. मात्र त्यानंतर जे घडलं ते पाहून तिला धक्काचं बसला.

पतीन तस्लीमची जीभ हातात पकडली आणि कापली. तसेच घराचा दरवाजा बाहेरून लावून तो पसार झाला. या घटनेनंतर तस्लीमने आपल्या बहिणीला फोन केला आणि घडलेला प्रकार सांगितला. तसेच आरडाओरडा करत शेजाऱ्यांकडे मदत मागितली. शेजाऱ्यांनी तिला उपचारासाठी तातडीने रुग्णालयात दाखल केले. एसव्हीपी रुग्णालयात तस्लीमवर उपचार करण्यात येत आहेत. तसेच जीभेवर शस्त्रक्रिया करण्यात आली आहे. पोलीस याप्रकरणाचा अधिक तपास करत आहेत. 

काही दिवसांपूर्वी बांग्लादेशातही अशीच एक घटना समोर आली होती. जेवणात केस आढळला या रागात पतीने पत्नीचे केस कापले. त्याने पत्नीचं टक्कल केलं. बांग्लादेशातील जयपूरहटमधील ही घटना आहे. 35 वर्षीय बबलू मंडल याला पोलिसांनी अटक केली. पोलीस अधिकाऱ्यांनी दिलेल्या माहितीनुसार, 'बबलूच्या पत्नीने त्याला दूध आणि भात दिला होता. यात एक केस आढळला. या रागात त्याने पत्नीचे सर्व केस कापले. ब्लेडच्या मदतीने त्याने तिचं जबरदस्तीने टक्कल केलं'. गावातील लोकांनीच या घटनेची माहिती पोलिसांना दिली होती.