लता व सचिन या दिग्गजांच्या मध्ये मी कशाला - अमिताभ बच्चन

सिनेरसिकांच्या मनावर जवळपास चार दशकं गारूड करणा-या अमिताभ बच्चन यांनी पुन्हा एकदा साध्या वृत्तीचे दर्शन घडवले आहे

ऑनलाइन लोकमत

मुंबई, दि. २१ - सिनेरसिकांच्या मनावर जवळपास चार दशकं गारूड करणा-या अमिताभ बच्चन यांनी पुन्हा एकदा साध्या वृत्तीचे दर्शन घडवले आहे. सोशल मीडियावर अत्यंत अॅक्टिव्ह असणा-या अमिताभनी, अहमदाबादमधल्या एका भित्तीचित्राला ट्विटरवर शेअर केले आहे.

या भित्तीचित्रात लता मंगेशकर, मध्ये अमिताभ बच्चन व सचिन तेंडुलकर यांची चित्रे आहेत. सदर ट्विट करताना बच्चन यांनी दोन दिग्गजांच्या मध्ये ती व्यक्ती नसायला हवी होती असं म्हटलं आहे, आणि स्व:तावरच्या एका उच्च विनोदाचीदेखील निर्मिती केली आहे.

विशेष म्हणजे हे ट्विट ज्यावेळी त्यांनी केले, म्हणजे गुरुवारी दुपारी, त्याच सुमारास अमिताभ बच्चन व प्रियांका चोप्रा यांची अतुल्य भारतचे ब्रँड अँबॅसिडर म्हणून नियुक्ती जाहीर झाली.

 

T 2120 - A street wall in Ahmedabad .. !! That guy in the middle should not be there, among the 2 greats !! pic.twitter.com/glnR9XALiF

— Amitabh Bachchan (@SrBachchan) January 21, 2016