Video: स्वदेशी वस्तू विकणाऱ्या बाबा रामदेव यांच्याहाती विदेशी कार, किंमत मोठी
By ऑनलाइन लोकमत | Published: July 25, 2023 03:30 PM2023-07-25T15:30:29+5:302023-07-25T15:31:48+5:30
ऑटो वार या इंस्टाग्राम अकाऊंटवरुन बाबा रामदेव यांचा कार चालवतानाचा व्हिडिओ शेअर करण्यात आला आहे
Video: स्वदेशी वस्तू विकणाऱ्या बाबा रामदेव यांच्याहाती विदेशी कार, किंमत मोठी
Next नवी दिल्ली - स्वदेशी वस्तूंचा प्रचार करणाऱ्या आणि आपल्या विधानांमुळे चर्चेत असलेल्या बाबा रामदेव यांनी नवीन कार खरेदी केली आहे. नुकतेच आपल्या नव्या कारसह बाबा रामदेव यांनी फेरफटका मारला. त्यांचा कार चालवतानाचा व्हिडिओ चांगलाच व्हायरल झाला आहे. ब्राऊन कलरची लँड रोव्हर १३० Defender कार बाबा चालवताना व्हिडिओत दिसून येते. त्यामुळे, बाबांच्या ताफ्यात या नव्या कारची एंट्री झाली काय, अशी चर्चा आता सोशल मीडियावर रंगली आहे.
ऑटो वार या इंस्टाग्राम अकाऊंटवरुन बाबा रामदेव यांचा कार चालवतानाचा व्हिडिओ शेअर करण्यात आला आहे. ही कार एकदम नवी कोरी असल्याने तिच्यावर नंबर प्लेट दिसून येत नाही. त्यामुळे, या गाडीचे मालक स्वत: रामदेव बाबा आहेत की नाहीत, याबद्दल खात्रीशीर माहिती मिळाली नाही. मात्र, नेटीझन्सने सोशल मीडियावर बाबा रामदेव यांनीच ही कार घेतल्याचं म्हटलंय. तर, काहींना देशी.. देशी.. म्हणणारे बाबा रामदेव यांनी विदेशी कार घेतली, असेही म्हटलं आहे. दरम्यान, बाबांनी चालवलेल्या या कारची किंमत १ कोटी ४१ लाख रुपये एवढी आहे, तर हा कारमधील ब्रिटीश कंपनीचा ब्रँड आहे.