BAPSने घडवला सोनेरी इतिहास; एक लाख नि:स्वार्थ कार्यकर्त्यांच्या सन्मानार्थ अभूतपूर्व समारंभ

पंतप्रधान नरेंद्र मोदी यांनी व्हिडिओ संदेश, केंद्रीय गृहमंत्री अमित शाह आणि गुजरातचे मुख्यमंत्री भूपेंद्रभाई पटेल यांची प्रेरणादायी भाषणे.

BAPS Ceremony At Narendra Modi Stadium Ahmedabad: बी.ए.पी.एस. संस्थेच्या आंतरराष्ट्रीय ‘कार्यकर्ता सुवर्ण महोत्सवा’च्या भव्य आणि दिव्य समारोपाने सर्वांना मंत्रमुग्ध केले. ‘कार्यकर्ता सुवर्ण महोत्सवा’चा समारोप आज जगातील सर्वांत मोठ्या नरेंद्र मोदी स्टेडियममध्ये मोठ्या थाटात पार पडला. सेवा, समर्पण आणि गुरु भक्तीने परिपूर्ण असलेल्या एक लाखांहून अधिक कार्यकर्त्यांचा सन्मान रोमांचक सादरीकरणांद्वारे करण्यात आला. यावेळी पंतप्रधान नरेंद्र मोदी यांनी व्हिडिओ संदेश दिला. तर, केंद्रीय गृहमंत्री अमित शाह आणि गुजरातचे मुख्यमंत्री भूपेंद्र पटेल यांनी प्रेरणादायी भाषण दिले.

कार्यक्रमाच्या सुरुवातीला परम पूज्य महंत स्वामी महाराज यांचे एका भव्य रथातून आगमन झाले. या आगमनाने संपूर्ण वातावरण अलौकिक झाले. कार्यकर्त्यांनी प्रेरणा घेतली आणि याचा संदेश सत्पुरुषांच्या संगतीतून दिसून आला. गुलाबाच्या पाकळ्या सुवर्ण पंखुड्यांमध्ये रुपांतरित झाल्या, यावरून या स्वागताचे महत्व दिसले. या विशेष सादरीकरणामध्ये २ हजार बालक आणि युवक कलाकार सहभागी होते. याच्या निर्मितीसाठी ५५० पुष्पपाकळ्या आणि २२५ मोत्यांचे तयार होण्यासाठी चार महिने लागले. यानंतर, ‘कार्यकर्ता सुवर्ण महोत्सवा’च्या उत्सवगीताने सर्व कार्यकर्त्यांमध्ये नवीन उत्साह निर्माण केला. यासोबत ‘सेवा की परम ज्योति महान’ या गाण्याने रंगमंच फुलला.

नि:स्वार्थ कार्यकर्त्यांच्या सन्मानार्थ अभूतपूर्व समारंभ

जगातील सर्वात मोठ्या नरेंद्र मोदी स्टेडियममध्ये बी.ए.पी.एस.च्या एक लाख नि:स्वार्थ कार्यकर्त्यांच्या सन्मानार्थ अभूतपूर्व समारंभ आयोजित करण्यात आला. जगात पहिल्यांदाच  एक लाख प्री-प्रोग्राम्ड रिस्ट बँड्स, २ हजार कलाकारांच्या सादरीकरणांनी, व्हिडिओ आणि संबोधनांनी परिपूर्ण रोमांचक कार्यक्रम सादर झाले.  एक लाख कार्यकर्त्यांनी सामूहिक आरतीद्वारे नरेंद्र मोदी स्टेडियम तेजोमय केले. संस्थेच्या प्रवक्त्यांनी कार्यक्रमाचे तीन भाग सांगितले. 

- बीज: शास्त्रीजी महाराज, योगीजी महाराज आणि प्रमुखस्वामी महाराज यांनी समर्पण आणि नैतिकतेची बीजे पेरली.

- वृक्ष: कार्यकर्त्यांनी सेवा करताना भक्ति, नम्रता आणि निष्ठा जपली.

- फळ: कार्यकर्त्यांच्या सेवेमुळे समाजात सकारात्मक बदल झाले.

दरम्यान, समारोपाला महाआरती झाली, जिथे उपस्थित सर्वांना दिव्य अनुभव आला. बाल, किशोर आणि युवा कलाकारांनी विशेष नृत्यसादरीकरण केले. कार्यक्रमाच्या शेवटी, रिस्ट बँड्सच्या माध्यमातून सर्वांनी ‘कार्यकर्ता सुवर्ण महोत्सव की जय’चा जयघोष केला आणि या ऐतिहासिक क्षणाचा अनुभव घेतला.