लहान शहरांमध्ये हेलिकॉप्टर्सची सेवा, या राज्यांना फायदा

ज्या शहरांत विमानाच्या टेक आॅफची सोय नाही आणि भविष्यात ती होण्याची शक्यता नाही, अशा शहरांत हेलिकॉप्टर सेवा सुरू करण्याचा निर्णय सरकारने घेतला आहे. नागरी विमान वाहतूक मंत्रालयाच्या अधिका-याने सांगितले की, अशा शहरांची यादी करण्याचे काम सुरू आहे. यासाठी किती आॅपरेटर पुढे येतात, हे पाहावे लागेल.

संतोष ठाकूर 
नवी दिल्ली : ज्या शहरांत विमानाच्या टेक आॅफची सोय नाही आणि भविष्यात ती होण्याची शक्यता नाही, अशा शहरांत हेलिकॉप्टर सेवा सुरू करण्याचा निर्णय सरकारने घेतला आहे. नागरी विमान वाहतूक मंत्रालयाच्या अधिका-याने सांगितले की, अशा शहरांची यादी करण्याचे काम सुरू आहे. यासाठी किती आॅपरेटर पुढे येतात, हे पाहावे लागेल.
हेलिकॉप्टर सेवा ईशान्य भारतात तसेच पर्वतीय भागांमध्ये सुरू होईल. यात मणिपूरमधील पाच व उत्तराखंडमधील १२ शहरे-ठिकाणे आहेत. नागरिकांना त्यांच्या शहरांत हवाईसेवा मिळावी, यासाठी खासगी मालकीच्या एअरस्ट्रीप वापरण्याचा प्रस्ताव आहे. काही ठिकाणी हवाई दलाच्या विमानतळांचाही उपयोग करण्यात येईल. अरुणाचल प्रदेश, बिहार, जम्मू-काश्मीर, राजस्थान, तामिळनाडू, उत्तर प्रदेश, आसाममधील अनेक ठिकाणी हेलिकॉप्टर सेवा देण्याचा विचार आहे.
या राज्याला फायदा-
उडान विमानसेवेद्वारे मुंबईला बिहारच्या दरभंगा व किशनगंजशी तर केरळच्या कन्नूरशी जोडण्यात येईल. ओझर-नाशिकहून बंगळुरू-दिल्ली-हैदराबाद-गोवा-हिंडन उत्तर प्रदेश व भोपाळशी जोडण्यात येईल. सोलापूरला हैदराबाद व बंगळुरू, कोल्हापूरला कल्याण-तिरुपती-हैदराबाद-बंगळुरू व आंध्रप्रदेशातील अमरावतीला तसेच पुणे-मुंबईशी जोडले जाईल. मुंबईला कोटा, पुण्याला हुबळी, नागपूरशी तसेच अलाहाबादशी जोडले जाणार आहे.