Bihar Flood : नि:शब्द! बिहारला पुराचा तडाखा, मन हेलावून टाकणारा फोटो व्हायरल

By ऑनलाइन लोकमत | Published: August 18, 2020 08:33 AM2020-08-18T08:33:27+5:302020-08-18T08:36:04+5:30

Bihar Flood : जोरदार पावसाचा फटका बिहारला देखील मोठ्या प्रमाणात बसला आहे. बिहार कोरोनाशी लढत असतानाच सध्या पुराचा देखील सामना करत आहे.

bihar flood picture of woman feet goes viral | Bihar Flood : नि:शब्द! बिहारला पुराचा तडाखा, मन हेलावून टाकणारा फोटो व्हायरल — Bihar Flood : नि:शब्द! बिहारला पुराचा तडाखा, मन हेलावून टाकणारा फोटो व्हायरल

पाटणा - देश कोरोनाच्या संकटाचा सामना करत असतानाच दुसरीकडे अनेक राज्यांत पावसाने थैमान घातले आहे. मुसळधार पावसामुळे जनजीवन विस्कळीत झाले आहे. अनेक ठिकाणी पूरजन्य परिस्थिती निर्माण झाली आहे. जोरदार पावसाचा फटका बिहारला देखील मोठ्या प्रमाणात बसला आहे. बिहार कोरोनाशी लढत असतानाच सध्या पुराचा देखील सामना करत आहे. रिपोर्टनुसार, बिहारमधील एकूण 16 जिल्ह्यांमधील 75 लाखांहून अधिक लोकांना पुराचा फटका बसला आहे. या पुरामुळे आतापर्यंत 25 लोकांचा मृत्यू झाला आहे.

काही ठिकाणी नद्यांमधील पाण्याने धोक्याची पातळी ओलांडली आहे. जिकडे पाहावे तिकडे पाणीच पाणी आहे. लोक कसाबसा आपला जीव वाचवत आहेत. याच दरम्यान सोशल मीडियावर एका महिलेच्या पायांचा फोटो व्हायरल होत आहे. हा फोटो दरभंगा येथील कुशेश्वरस्थान येथील आहे असल्याचा दावा केला जात आहे. बिहारचा पुरातील हा बोलका फोटो सर्वांचंच मन हेलावून टाकत आहे. पायांचा फोटो जोरदार व्हायरल होत आहे.

यह पैर बिहार बाढ़ में रह रही महिला की है. जगह- कुशेश्वरस्थान, दरभंगा
फोटो- सत्यम pic.twitter.com/SWum3SkaUE
— Aditya Jha (@adityajhapage) August 14, 2020

ट्विटरवर आदित्य झा नावाच्या एका युजरने हा फोटो शेअर केला आहे. 'हे पाय बिहारच्या पुरात राहणाऱ्या महिलेचे आहेत. ठिकाण- कुशेश्वरस्थान, दरभंगा. फोटो- सत्यम.' असं कॅप्शनही या फोटोला देण्यात आलं आहे. त्यानंतर हा फोटो अनेकांनी शेअर केला आहे. यात माजी खासदार शैलेशकुमार मंडल यांचाही समावेश आहे. अनेकांनी यावर प्रतिक्रिया दिल्या आहे. फोटो पाहून सर्वांच्याच डोळ्यांत पाणी आले आहे.

तस्वीर : बिहार बाढ़ में रह रही महिला के पाँव.

तस्वीर को देखकर सांसे रुक सी गई थी,
दिल अभी भी भारी लग रहा है..!

चुनावों के वक्त बड़े-बड़े वादे करने वाले देश के चौकीदार बिहार में बाढ़ के वक्त कौनसे बिल में छुपकर बैठे है।
😥😭😭@007AbuzarKhan pic.twitter.com/lpGOtc6QIG
— Abuzar Khan ابوزر خان (@007AbuzarKhan) August 14, 2020

आपत्ती व्यवस्थापन विभागाने पुराबाबत दिलेल्या माहितीनुसार, या पुरात आतापर्यंत एकूण 69 जनावरांचा मृत्यू झाला आहे. सरकारने आतापर्यंत एकूण 5 लाख 47 हजारहून अधिक लोकांना सुरक्षित ठिकाणी हलवले आहे. मदत शिबीराचे सात कॅम्प सुरू करण्यात आले आहेत. यांमध्ये 12 हजार 489 लोकांना आश्रय देण्यात आला आहे. तसेच बिहार राज्यात पुरामुळे एकूण 9 लाख हेक्टरमधील पिकांचे नुकसान झाले आहे. एका हिंदी वेबसाईटने याबाबतचे वृत्त दिले आहे.

CoronaVirus News : कोरोनाचा धसका! मृतदेह नेताना संपूर्ण गाव पाहत होतं पण कोणीही दिला नाही मदतीचा हात..., मन सुन्न करणारी घटनाhttps://t.co/Opd6NLouZO #coronavirus #CoronavirusIndia #CoronaUpdatesInIndia #COVID19India #coronainindia
— Lokmat (@MiLOKMAT) August 17, 2020