Video: धावत्या ट्रेनमध्ये दारात बसलेल्या प्रवाशांना बेल्टने मारहाण; व्हिडीओ व्हायरल...

व्हिडिओ समोर आल्यानंतर रेल्वे विभागाने दिले कारवाचे आश्वासन.

Indian Railway: भारतीय रेल्वेशी संबंधित अनेक व्हिडिओ दररोज सोशल मीडियावर व्हायरल होत असतात. आता परत एकदा रेल्वेतील एक धक्कादायक व्हिडिओ व्हायरल होत आहे. या व्हिडिओत एका तरुणाने धावत्या ट्रेनमधून दुसऱ्या ट्रेनमधील लोकांना पट्ट्याने मारल्याचे दिसत आहे. हा व्हिडिओ व्हायरल झाल्यानंतर रेल्वेने कारवाईचे आश्वासन दिले आहे.

व्हायरल व्हिडिओमध्ये एक तरुण धावत्या ट्रेनच्या दारात उभा असल्याचे दिसत आहे. तो हातात बेल्ट घेऊन बाजुने जाणाऱ्या ट्रेनच्या दारात बसलेल्या लोकांना पट्ट्याने मारताना दिसत आहे. हा तरुण फक्त मौजमजेसाठी हे धक्कादायक कृत्य करत असल्याचे दिसत आहे. अचानक बेल्टचा फटका बसल्यामुळे घाबरलेला कोणतीही व्यक्ती ट्रेनमधून पडू शकतो. 

यह व्यक्ति दुसरे ट्रेन में दरवाजे के पास बैठे लोगों को बेल्ट से मार रहा है, क्या यह सही है 🤔

इस व्यक्ति के बेल्ट से मारने के कारण दरवाजे में बैठा व्यक्ति ट्रेन से गिर भी सकतें है,बड़ी दुर्घटना भी हो सकती है
कृपया ऐसे आसामाजिक आतंकी लोगों पर कड़ी कार्यवाही करें 🙏@RailMinIndia… pic.twitter.com/BQEgHWe9rO

— देव 🚩 (@I_DEV_1993) July 7, 2023

रेल्वेने कारवाईचे आश्वासन दिले
मिळालेल्या माहितीनुसार हा व्हिडिओ बिहारचा असल्याची माहिती आहे. हा व्हिडिओ ट्विटरवर शेअर करताना एका व्यक्तीने लिहिले- 'ही व्यक्ती दुसऱ्या ट्रेनमध्ये दारात बसलेल्या लोकांना बेल्टने मारत आहे. हे खरे आहे का? या व्यक्तीने बेल्टने मारल्यामुळे दरवाजात बसलेली व्यक्ती ट्रेनमधून पडू शकते, मोठा अपघातही होऊ शकतो. कृपया अशा समाजकंटकांवर कडक कारवाई करा.' त्याने या ट्विटमध्ये इंडियन रेल्वेला टॅग केले.

हा व्हिडिओ सोशल मीडियावर शेअर केपासून 460,000 हून अधिक वेळा पाहिला गेला आहे. त्याचबरोबर 4 हजारांहून अधिक लाईक्स आणि कमेंट्स आल्या आहेत. ट्विटर युजर्सनी आरोपी तरुणावर कडक कारवाई करण्याची मागणी केली आहे.  व्हिडीओ पाहून रेल्वेने याप्रकरणी कारवाईचे आश्वासन दिले आहे.