गुजरातमध्ये भूकंप; बिपरजॉयमुळे राज्यात अलर्ट जारी, हजारोंचे सुरक्षित ठिकाणी स्थलांतर

गुजरातच्या कच्छमध्ये सायंकाळी 5 वाजता भूकंपाचे धक्के जाणवले.

Biparjoy Cyclone: बिपरजॉय वादळाच्या पार्श्वभूमीवर महाराष्ट्र आणि गुजरातमध्ये यंत्रणा अलर्टवर आहेत. यादरम्यान, गुजरातच्या कच्छमध्ये बुधवारी सायंकाळी 5.5 वाजता भूकंपाचे धक्के जाणवले. रिश्टर स्केलवर या भूकंपाची तीव्रता 3.5 इतकी होती. यापूर्वी, दुपारी 4.15 वाजता जम्मू-काश्मीरमधील किश्तवाड भागातही भूकंपाचे धक्के जाणवले होते. याची तीव्रता 3.4 इतकी होती.

#WATCH | Cyclone #Biparjoy is currently away from Mumbai. #Biparjoy is likely to make landfall between Mandvi and Karachi on 15th June. Heavy rains to occur in Kachchh, Saurashtra in next 24 hours: Sunil Kamble, IMD chief, Mumbai pic.twitter.com/ONnZhTPeFQ

— ANI (@ANI) June 14, 2023

भूकंपाचे केंद्र नैऋत्येला 5 किमी अंतरावर होते. विशेष म्हणजे, मंगळवारी दुपारीही राजधानी दिल्लीत भूकंपाचे जोरदार धक्के जाणवले होते. भारतासह पाकिस्तान आणि चीनमध्ये या भूकंपाचे धक्के जाणवले. दिल्ली-एनसीआर, जम्मू काश्मीर, चंदीगडसह भारतातील अनेक शहरांमध्ये भूकंपाचा प्रभाव होता. भूकंपाची तीव्रता रिश्टर स्केलवर 5.4 इतकी मोजली गेली.

Biparjoy: Over 45,000 people shifted to shelter homes in Gujarat

Read @ANI Story | https://t.co/blJAMI5ZKL#BiparjoyCyclone#Gujaratcyclone#SDRFpic.twitter.com/CdBMnmb7XA

— ANI Digital (@ani_digital) June 14, 2023

चक्रीवादळ गुजरातसाठी चिंतेचा विषय 
बिपरजॉय चक्रीवादळ गुजरातसाठी चिंतेचा विषय बनला आहे. बिपरजॉय चक्रीवादळ तीव्र झाल्यानंतर आता गुजरातकडे येत आहे. हवामान विभागाने दिलेल्या माहितीनुसार, हे चक्रीवादळ उद्या (गुरुवार) 15 जून रोजी राज्यात धडकणार आहे. कोणत्याही परिस्थितीला तोंड देण्यासाठी एनडीआरएफच्या 17 तुकड्या तैनात करण्यात आल्या आहेत. कच्छमध्ये 4, द्वारका आणि राजकोटमध्ये 3-3, जामनगरमध्ये 2 आणि पोरबंदरमध्ये 1 टीम तैनात आहे. बिपरजॉय चक्रीवादळ आज गुजरातमधील पोरबंदर आणि द्वारकाच्या समुद्र किनाऱ्यावरून जाऊ शकते.

#WATCH | Kutch, Gujarat | Border Security Force (BSF) jawans provide shelter to people residing in the villages in coastal areas of Kutch, at their BOP (Border Outpost). They have been evacuated in the wake of #CycloneBiparjoypic.twitter.com/MimDODxKsu

— ANI (@ANI) June 14, 2023

45 हजार लोकांना सुरक्षित स्थळी हलवले
बिपरजॉयमुळे गुजरात महाराष्ट्रात अलर्ट जारी करण्यात आला आहे. बिपरजॉय वेगाने गुजरातकडे सरकत आहे. या वादळाचा सामना करण्यासाठी द्वारका, कच्छ, पोरबंदर, नवसारीसह अनेक जिल्ह्यांमध्ये सतर्कतेचा इशारा देण्यात आला आहे. आतापर्यंत 45 हजार लोकांना सुरक्षित स्थळी हलवण्यात आले आहे. याशिवा, अनेक गाड्याही रद्द करण्यात आल्या आहेत. काही भागात कलम 144 लागू करण्यात आली आहे.