...अन् भाजपाच्या नगरसेविकेने भर सभेत आयुक्तांना फेकून मारली चप्पल, Video व्हायरल

By ऑनलाइन लोकमत | Published: July 18, 2020 08:36 AM2020-07-18T08:36:28+5:302020-07-18T08:40:56+5:30

भाजपाच्या एका नगरसेविकेने आयुक्तांना भर सभेत चप्पल फेकून मारल्याची धक्कादायक घटना समोर आली आहे. या घटनेचा एक व्हिडीओ सोशल मीडियावर जोरदार व्हायरल होत आहे.

bjp corporater dipika rani singh beats municipal commissioner during meeting | ...अन् भाजपाच्या नगरसेविकेने भर सभेत आयुक्तांना फेकून मारली चप्पल, Video व्हायरल — ...अन् भाजपाच्या नगरसेविकेने भर सभेत आयुक्तांना फेकून मारली चप्पल, Video व्हायरल

नवी दिल्ली - देश कोरोनाच्या संकटाचा सामना करत असताना अनेक घटना सातत्याने समोर येत आहेत. उत्तर प्रदेशच्या मथुरामध्ये जोरदार राडा झाल्याची घटना समोर आली आहे. मथुरा नगरपालिकेच्या बैठकीत काही मुद्द्यांवरून वाद झाला. यातून भाजपाच्या एका नगरसेविकेने आयुक्तांना भर सभेत चप्पल फेकून मारल्याची धक्कादायक घटना समोर आली आहे. या घटनेचा एक व्हिडीओ सोशल मीडियावर जोरदार व्हायरल होत आहे.

मिळालेल्या माहितीनुसार, शुक्रवारी (17 जुलै) मथुरा नगरपालिकेच्या एका सभेचं आयोजन करण्यात आलं होतं. अनेक महत्त्वाची मंडळी यासाठी उपस्थित होती. याच दरम्यान भाजपाच्या नगसेविका दीपिका राणी सिंह यांनी आयुक्त रविंद्र कुमार यांना चप्पल फेकून मारली आहे. सभा सुरू असतानाच आयुक्त आपल्या प्रश्नांची दखल घेत नसल्याचं दिसल्याने दीपिका राणी सिंह यांचा पारा चढला. संतापाच्या भरात त्यांनी आयुक्तांना चप्पल फेकून मारल्याची माहिती मिळत आहे.

#WATCH यूपी:मथुरा नगर निगम की बैठक मेंBJPपार्षद दीपिका रानी सिंह ने नगर आयुक्त रविंद्र कुमार को चप्पल मारी। वीडियो में बचाव करने आए नगर आयुक्त के PAको चप्पल पड़ी।

पार्षद ने बताया,"नगर आयुक्त को इलाके की परेशानियां बता रही थीं,उन्होंने मेरा हाथ झटका कहा चल बैठ!मुझे गुस्सा आ गया।" pic.twitter.com/ZwOFBun8u4
— ANI_HindiNews (@AHindinews) July 17, 2020

"मी शहराचे प्रश्न या सभेत मांडत होते. मात्र त्याची दखल न घेता आयुक्तांनीच मला बसायला सांगितलं. त्याचा मला राग आला. त्यामुळे लोकांच्या प्रश्नावर राग अनावर झाल्याने मी हे कृत्य केलं" अशी माहिती दीपिका राणी सिंह यांनी दिली आहे. या घटनेचा एक व्हिडीओ सोशल मीडियावर जोरदार व्हायरल झाला आहे. नगसेविकेने सुरुवातीला महापौरांना याबाबत माहिती दिली होती. पण त्यांनी ते ऐकून घेतलं नाही. म्हणून त्यांनी आयुक्तांना सांगितलं. पण त्यानंतर हा वाद झाला. एका हिंदी वेबसाईटने याबाबतचे वृत्त दिले आहे.

CoronaVirus News : दिलासादायक! कोरोना हरणार, देश जिंकणार... लवकरच व्हायरसवर मात करता येणारhttps://t.co/KBUzXPnN7z #coronavirus #CoronaUpdatesInIndia #COVID19India #CoronavirusIndia
— Lokmat (@MiLOKMAT) July 17, 2020