आम्हीही देवळात जातो, पण त्याचा दिखावा करत नाहीः सोनिया गांधींची भाजपला चपराक

26 मे 2014 पूर्वी देश अंध:कारात बुडाला होता का? गेल्या चार वर्षांमध्येच भारताने प्रगती, समृद्धी आणि उत्तुंगता प्राप्त केली आहे का?

नवी दिल्ली: काँग्रेस हा मुस्लिमांचा पक्ष आहे, हे भाजपने लोकांच्या मनावर बिंबवले. आम्ही नेहमीच देवळांमध्ये जायचो. मी राजीव गांधींसोबत प्रवास करायचे तेव्हा आम्ही अनेक मोठ्या मंदिरांना भेट द्यायचो. मात्र, आम्ही या सगळ्याचा कधी दिखावा केला नाही, अशा शब्दांत काँग्रेसच्या माजी अध्यक्षा सोनिया गांधी यांनी पंतप्रधान नरेंद्र मोदी यांच्यावर निशाणा साधला. 

सोनिया गांधी शुक्रवारी 'इंडिया टुडे कॉनक्लेव्ह'च्या व्यासपीठावर उपस्थित होत्या. यावेळी त्यांनी केंद्र सरकारवर जोरदार टीका केली. त्यांनी म्हटले की, 26 मे 2014 पूर्वी देश अंध:कारात बुडाला होता का? गेल्या चार वर्षांमध्येच भारताने प्रगती, समृद्धी आणि उत्तुंगता प्राप्त केली आहे का? त्यामुळे असा दावा करणे हा आपल्या देशातील आजपर्यंतच्या बुद्धीवंतांचा अपमान नाही का?, असे अनेक सवाल यावेळी सोनिया यांनी उपस्थित केले. 

सध्या न्याययंत्रणेत मोठा गोंधळ माजला आहे. व्यवस्थेत पारदर्शकता आणण्यासाठी माहिती अधिकार कायदा (आरटीआय) अस्तित्त्वात आला. मात्र, आता हा कायदा बासनात गुंडाळला गेला आहे. 'आधार'चा वापर घुसखोरीच्या साधनासारखा केला जात असल्याचा आरोप सोनिया यांनी केला. 

यावेळी सोनिया गांधी यांनी काँग्रेस पक्ष सामान्यांशी संवाद राखण्यात अपयशी ठरल्याचीही कबुली दिली. आमच्या अनेक पद्धती कालबाह्य झाल्या आहेत. त्यामुळे आम्हाला लोकांपर्यंत पोहोचण्याचे नवीन तंत्र शोधून काढण्याची आवश्यकता असल्याचे यावेळी सोनिया गांधी यांनी सांगितले. 

Was India really a giant black hole before 26th May 2014? Did India march to progress, prosperity & greatness just 4 years ago? Is this claim not an insult to the intelligence of our people: Sonia Gandhi. (File Pic) pic.twitter.com/VlWKGFk9Dq

— ANI (@ANI) March 9, 2018

Our judiciary is in turmoil. RTI was brought to bring transperancy, but today that law is in cold storage. Aadhaar is being turned into intrusive instrument of control: Sonia Gandhi

— ANI (@ANI) March 9, 2018

We were out-marketed. We have to really develop a new style of connecting with people. We have to look how we project our programs & policies: Sonia Gandhi at #IndiaTodayConclave

— ANI (@ANI) March 9, 2018

BJP has managed to persuade people that Congress is a muslim party.We have always been to temples. When I traveled with Rajiv Gandhi, wherever we used to go, there was always a major temple that we used to visit. But we never made a show of it: Sonia Gandhi at #IndiaTodayConclave

— ANI (@ANI) March 9, 2018