खळबळजनक! बंगालमध्ये बॉम्ब, गोळीबार...; भाजपा नेत्यावर झालेल्या हल्ल्याचा २५ सेकंदाचा Video

भाजपा नेत्यावर झालेल्या हल्ल्याचा एक व्हिडीओ सोशल मीडियावर जोरदार व्हायरल होत आहे.

कोलकाता येथील आरजी कर मेडिकल हॉस्पिटलमधील ट्रेनी डॉक्टरच्या बलात्कार आणि हत्येवरून बंगालमध्ये खळबळ उडाली आहे. ममता बॅनर्जी सरकारच्या निषेधार्थ विद्यार्थ्यांनी केलेल्या नबन्ना अभियानावर पोलिसांनी बळाचा वापर केला. त्याच्या निषेधार्थ भाजपाच्या वतीने आज १२ तासांसाठी बंगाल बंद करण्यात आला आहे. याच दरम्यान स्थानिक भाजपा नेत्यावर हल्ला करण्यात आला.

भाजपा नेत्यावर झालेल्या हल्ल्याचा एक व्हिडीओ सोशल मीडियावर जोरदार व्हायरल होत आहे, ज्यामध्ये एक अज्ञात व्यक्ती स्थानिक भाजपा नेते प्रियांगू पांडे यांच्या कारवर गोळीबार करत असल्याचं दिसत आहे. हल्लेखोराने पांडे यांच्या गाडीवर गोळीबार केला. या गोळीबारात कारची काच फुटून गोळी चालकाला लागली. या हल्ल्यात प्रियांगू हे देखील जखमी झाले आहेत. या हल्ल्यात एकूण दोन जण जखमी झाले असून, त्यांना उपचारासाठी रुग्णालयात दाखल करण्यात आले आहे.

TMC goon opening fire on eminent BJP Leader Priyangu Pandey's vehicle at Bhatpara. The driver of the vehicle is shot.
This is how Mamata Banerjee & TMC are trying to force BJP off the street. The Bandh is successful and people have supported it wholeheartedly. The toxic cocktail… pic.twitter.com/mOGsLnk9jh

— Suvendu Adhikari (@SuvenduWB) August 28, 2024

या हल्ल्यानंतर भाजपाचे नेते शुभेंदू अधिकारी म्हणाले की, "टीएमसीच्या गुंडांनी भाजपा नेत्याच्या वाहनावर गोळीबार केला. वाहन चालकाला गोळी लागली आहे. अशा प्रकारे ममता बॅनर्जी आणि टीएमसी भाजपाला रस्त्यावरून हटवण्याचा प्रयत्न करत आहेत. बंद यशस्वी झाला असून लोकांनी याचे मनापासून स्वागत केले आहे. पोलीस आणि टीएमसी यापुढे भाजपाला घाबरवू शकणार नाही."

भाजपाचे नेते अर्जुन सिंह यांनी या संपूर्ण घटनेचा खुलासा करताना प्रियांगु पांडे आमच्या पक्षाचे नेते असल्याचं सांगितलं. ते गाडीने येत होते. गाडी येताच बॉम्बस्फोट झाला. वाहन न थांबल्याने गोळ्या झाडण्यात आल्या. चालकाच्या डोक्याला गोळी लागली. गोळी लागल्याने तो खाली पडला. अनेक गोळ्या झाडण्यात आल्या आहेत. एसीपींच्या उपस्थितीत हा प्रकार घडला असं म्हटलं आहे. 

West Bengal | Two people got injured in the attack and firing incident on the BJP leader Priyangu Pandey's car, earlier today, in Bhatpara of North 24 Parganas pic.twitter.com/MO2x3vxabB

— ANI (@ANI) August 28, 2024