भारत-नेपाळमध्ये रोटी-बेटीचं नातं, जगातील कोणतीही ताकद ते तोडू शकत नाही- राजनाथ सिंह

केंद्रीय संरक्षणमंत्री राजनाथ सिंह उत्तराखंड जनसंवाद येथे जनतेला संबोधित करताना बोलत होते.

नवी दिल्लीः देशात कोरोनाचं महाभयंकर संकट आहे. त्याला थोपवण्यासाठी मोदी सरकारही प्रयत्नशील आहे. तिकडे सीमेवर चीनकडून आगळीक सुरू आहे. त्यालाही मोदी सरकारनं योग्य प्रकारे सामोरे जात आहे. विशेष म्हणजे अशा काळात नेपाळही भारताची डोकेदुखी वाढवली आहे. चीनच्या नादी लागून नेपाळही भारताला आव्हान देण्याचा प्रयत्न करतो आहे. त्याच परिस्थितीवर केंद्रीय संरक्षण मंत्री राजनाथ सिंह यांनी भाष्य केलं आहे. कोरोनामुळे बर्‍याच विकसित देशांचे वाईट परिणाम झाले आहेत. पण पंतप्रधान नरेंद्र मोदी यांनी हे आव्हान स्वीकारण्याची तयारी दाखवल्याबद्दल मी त्यांचे अभिनंदन करतो, असं केंद्रीय संरक्षणमंत्री राजनाथ सिंह म्हणाले आहेत. केंद्रीय संरक्षणमंत्री राजनाथ सिंह उत्तराखंड जनसंवाद येथे जनतेला संबोधित करताना बोलत होते.

आपल्या आभासी संवादात ते म्हणाले की, कोरोना साथीला थोपवण्यासाठी मोदींनी केलेल्या प्रयत्नांचं केवळ भारतानंच नव्हे, तर जागतिक आरोग्य संघटनेनंही कौतुक केलं आहे. तसेच राजनाथ सिंह हे नेपाळशी भारताचे असलेल्या संबंधांवरही बोलले आहेत. ते म्हणाले की, प्रथम यात्रेकरूंना मानसरोवरच्या दर्शनासाठी नाथूल पास मार्गावरून जावे लागत होते. ते खूप लांब होते, परंतु आता सीमा रस्ता संघटनेने लिपुलेखला जोडण्याचा मार्ग बनविला आहे. त्यामुळे मानसरोवर यात्रेसाठी नवीन मार्ग तयार केला आहे. हा 80 किमी लांबीचा रस्ता आहे, जो भारतीय क्षेत्रात बनलेला आहे. नेपाळला जर या मार्गाविषयी काही गैरसमज झाले असतील, तर ते संवादाद्वारे सोडविले जातील.

Many developed countries are badly affected due to #COVID19. But I would like to congratulate PM Modi for the willpower with which he accepted this challenge. The measures which we have taken to fight this, are being appreciated not only in India but also by WHO: Defence Minister pic.twitter.com/rj7ANnSRdW

— ANI (@ANI) June 15, 2020

भारत आणि नेपाळ यांच्यात असाधारण संबंध आहेत. आमच्यामध्ये रोटी-बेटीचे संबंध आहेत आणि जगातील कोणतीही शक्ती तोडू शकत नाही. सीमेवर किती तारा लावल्या गेल्या तरी आपलं नातं कायम अतूट राहील. ते म्हणाले की संरक्षण करारात भारत स्वयंपूर्ण राहील. भारत संरक्षण उपकरणांची केवळ निर्मिती करणार नाहीत, तर निर्यातही करेल.

Some misconception has risen in Nepal regarding this road. But I would like to say that as far as Nepal is concerned, we not only have social, geographical, historical or cultural relations with them but also a devotional relation. India can never forget this: Defence Minister https://t.co/9fEFYp7TPb

— ANI (@ANI) June 15, 2020

2024पर्यंत संरक्षण क्षेत्राच्या निर्यातीला पाच दशलक्ष डॉलर्सचे लक्ष्य ठेवले गेले. केंद्रीय संरक्षणमंत्री राजनाथ सिंह यांच्या आभासी मेळाव्यात मुख्यमंत्री त्रिवेन्द्रसिंग रावत, प्रदेशाध्यक्ष बंशीधर भगत आणि वरिष्ठ अधिकारी उपस्थित होते. ही रॅली डेहराडून येथून काढण्यात आली होती. परंतु हे सर्व उत्तराखंड आणि परदेशातही ऐकले आणि पाहिले गेले आहे.

Any number of fences can be put up beyond Dharchula but these relations can't be broken. The relation between India and Nepal is not an ordinary one but that of 'roti' and 'beti': Defence Minister Rajnath Singh at Uttarakhand Jansamvad Rally pic.twitter.com/T23Z3hdI8H

— ANI (@ANI) June 15, 2020

हेही वाचा

आठ वर्षे विम्याचे हप्ते भरल्यास विमा कंपनीला द्यावा लागणार क्लेम, Irdaiचे आदेश

पोस्टाच्या सहा जबरदस्त योजना; लॉकडाऊनच्या काळात गुंतवणूक करा अन् मिळवा मोठा लाभ