कामाख्या-डेकारगाव इंटरसिटी एक्स्प्रेसच्या डब्यात स्फोट, 11 जण जखमी

आसाममध्ये इंटरसिटी एक्स्प्रेसच्या डब्यामध्ये झालेल्या स्फोटात 11 जण जखमी झाले आहे.

गोहाटी - आसाममध्ये इंटरसिटी एक्स्प्रेसच्या डब्यामध्ये झालेल्या स्फोटात 11 जण जखमी झाले आहे. कामाख्या डेकारगाव इंटरसिटी एक्स्प्रेसच्या एका डब्यात उदलगुरी येथे हा स्फोट झाला आहे. संध्याकाळी 6.45 च्या सुमारास धावत्या ट्रेनमध्ये हा स्फोट झाला, अशी माहिती दिली. मात्र हा स्फोट बॉम्बस्फोट होता की शॉर्ट सर्किट याबाबत अद्याप माहिती मिळू शकलेली नाही.  

या घटनेबाबत अधिक माहिती देताना पोलिसांनी सांगितले की, ''कामाख्या-डेकारगाव इंटरसिटी एक्स्प्रेसच्या डब्यात संध्याकाळी 6.45 च्या सुमारास हा स्फोट झाला. या स्फोटात 11 प्रवासी जखमी झाले आहेत.''

Assam: Explosion inside Kamakhya-Dekargaon Intercity Express in Udalguri. 11 persons injured. pic.twitter.com/M61eRSkBnL

— ANI (@ANI) December 1, 2018

कामाख्या-डेकारगाव इंटरसिटी एक्स्प्रेसच्या डब्यात झालेला स्फोट हा कमी क्षमतेचा स्फोट होता. मात्र त्यामुळे ट्रेनचे मोठे नुकसान झालेले नाही. तसेच या मार्गावरील वाहतुकही प्रभावित झालेली नाही,  असे नॉर्दन फ्रंटियर रेल्वेचे पीआरओ नृपेन भट्टाचार्य यांनी सांगितले.   

Northeast Frontier Railway PRO on explosion in Kamakhya-Dekargaon Intercity Express in Udalguri, Assam: Minor intensity blast occurred at around 7 pm today. Train movement not affected as train is at station & two more lines are available. The train hasn't received major damage

— ANI (@ANI) December 1, 2018