माकडाला वाचवण्याच्या प्रयत्नात कारचा भीषण अपघात, CCTVमध्ये कैद झाली घटना

भरधाव कार खोल पार्किंगमध्ये कोसळताच स्थानिकांनी वाचवण्यासाठी धाव घेतली.

शिमला:हिमाचल प्रदेशातीलशिमला येथून एका भीषण कार अपघाताचा व्हिडिओ समोर आला आहे. एका माकडाला वाचवण्याच्या प्रयत्नात कार रस्त्यावरुन कित्येक फूट खाली कोसळली. या संपूर्ण घटनेचा व्हिडिओ सोशल मीडियावर मोठ्या प्रमाणात व्हायरल होत आहे. 

शिमल्याच्या हॉटेल हिमलँडच्या पार्किंगमध्ये हा अपघात झाला. हॉटेलमध्ये लागलेल्या सीसीटीव्ही कॅमेऱ्यात या संपूर्ण अपघाताचा व्हिडिओ कैद झाला. व्हिडिओमध्ये कार एलिव्हेटेड रोडवरून घसरुन खाली पार्किंगच्या जागेवर आदळल्याचे दिसत आहे. कारच्या समोर अचानक एक माकड आले, चालकाचे त्याला वाचवण्याच्या प्रयत्नात नियंत्रण सुटल्याने हा अपघात झाला. 

car skids off an elevated road and comes crashing down into a parking lot below in dramatic visuals that have emerged from Shimla in Himachal Pradesh. This happened after a monkey came in front of the vehicle and the driver lost control in an attempt to save the animal's life. pic.twitter.com/deywh9B6Q0

— Mohammad Ghazali (@ghazalimohammad) November 21, 2021

घटनेदरम्यान तिथे उपस्थित असलेल्या काही लोकांनी कारमध्ये अडकलेल्या लोकांची मदत केली. गाडीत अडकलेल्या लोकांना बाहेर काढण्यात आले. कारमध्ये एकाच कुटुंबातील तीन जण होते, त्यात एका 4 वर्षांच्या मुलाचा समावेश होता. सुदैवाने, अपघातात कोणीही गंभीर जखमी झाले नाही, सर्वजण थोडक्यात बचावले. कार दिल्लीहून रामपूरला जात होती.