कुटुंबावर शोककळा! नांदेडच्या 19 वर्षीय तरुणाचा तेलंगाणात डान्स करताना मृत्यू, Video व्हायरल...

नांदेडच्या किनवटमधील तरुण नातेवाईकाच्या लग्नासाठी तेलंगाणता गेला होता.

Cardiac Arrest : गेल्याही महिन्यांपासून जिममध्ये व्यायाम करताना, डान्स करताना, जेवण करताना किंवा दैनंदिन कामे करताना अचानक मृत्यू झाल्याच्या अनेक घटना घडल्या आहेत. या घटनेचे व्हिडिओही सोशल मीडियावर मोठ्या प्रमाणात व्हायरल होत आहेत. अशाच एका घटनेत महाराष्ट्रातील नांदेड जिल्ह्यातील एका तरुणाचा तेलंगणातमृत्यू झाला.

या घटनेचा व्हिडिओही समोर आला आहे. नातेवाइकाच्या लग्नाला गेलेला तरुण डीजेवर नाचत होता. यादरम्यान, तो अचानक तोंडावर पडला आणि पुन्हा उठलाच नाही. नातेवाइकांनी त्याला उठवण्याचा प्रयत्न केला, मात्र तरुणाच्या अंगात काहीच हालचाल होत नव्हती. यानंतर त्याला तात्काळ रुग्णालयात नेण्यात आले, पण डॉक्टरांनी त्याला मृत घोषित केले. या घटनेमुळे कुटुंबीय आणि नातेवाईकांवर दु:खाचा डोंगर कोसळला आहे.

व्हिडिओ पहा...

A Young Man Died on the Spot of a Heart Attack While Dancing at a Wedding Reception in Barat in kubeer mandal of Nirmal District,
Telangana. pic.twitter.com/bq5acaQdNz

— Mohammed Zeeshan Ali Zahed (@zeeshan_zahed) February 26, 2023

नांदेड जिल्ह्यातील किनवट तालुक्यातील शिवणी येथील रहिवासी असलेले मुत्तन्ना जामगेवाड हे तेलंगणातील पारडी गावात आपल्या नातेवाईकाच्या लग्नाला आला होता. शनिवारी रात्री उशिरा मुत्तन्ना लग्नात तेलगू चित्रपटाच्या गाण्यावर नाचत होता. या घटनेचा व्हिडीओ समोर आला असून यामध्ये तो डान्स करताना दिसत आहे. नाचत असताना तो अचानक थांबला आणि तोंडावर पडला. 

सगळ्यांना वाटले की, तो डान्स मूव्ह करत आहे, पण काही वेळानंतरही तो उठला नाही. काही सेकंदानंतर एक व्यक्ती त्याच्याजवळ गेला आणि त्याला उचलण्याचा प्रयत्न केला.. बेशुद्ध झालेल्या मुत्तन्नाला तात्काळ जवळच्या रुग्णालयात नेले. जिथे तपासणीनंतर डॉक्टरांनी त्याला मृत घोषित केले. या घटनेनंतर नातेवाईक आणि कुटुंबीयांमध्ये शोककळा पसरली आहे.