हृदयद्रावक! पोलीस हवालदाराला SUVची धडक; कित्येक फूट नेले फरफटत, अंगावर काटा आणणारे दृश्य
By ऑनलाइन लोकमत | Published: October 27, 2023 03:20 PM2023-10-27T15:20:52+5:302023-10-27T15:21:19+5:30
राजधानी दिल्लीतून एक धक्कादायक घटना समोर आली आहे.
हृदयद्रावक! पोलीस हवालदाराला SUVची धडक; कित्येक फूट नेले फरफटत, अंगावर काटा आणणारे दृश्य
राजधानी दिल्लीतून एक धक्कादायक घटना समोर आली आहे. दिल्लीतील कॅनॉट प्लेस येथे तैनात असलेल्या दिल्ली पोलीस हवालदाराला स्कॉर्पिओने इतकी जोरदार धडक दिली की तो कित्येक फूट फरफटत गेला. या अपघातात पोलीस हवालदार गंभीर जखमी झाला असून त्याला रुग्णालयात दाखल करण्यात आले आहे. या संपूर्ण घटनेचा हृदयद्रावक व्हिडीओ सोशल मीडियावर व्हायरल होत आहे. ही संपूर्ण घटना सीसीटीव्हीत कैद झाली आहे. माहितीनुसार, २४ ऑक्टोबर रोजी पहाटे एक वाजता ही घटना घडली.
सीसीटीव्ही फुटेजमध्ये पाहायला मिळते की, दिल्ली पोलीस दलातील हवालदार रवी सिंग हे कॅनॉट प्लेसच्या आउटर सर्कलजवळ वाहनांची तपासणी करत होते. अशातच वेगाने आलेल्या काळ्या रंगाच्या स्कॉर्पियोने रवी यांना जोरदार धडक दिली. पोलिसाला धडक मारताच स्कॉर्पियोचा चालक लगेच फरार झाला.
#WATCH | CCTV footage shows a Delhi Police personnel hit by an SUV and thrown into the air in the Connaught Place area
— ANI (@ANI) October 27, 2023
The incident happened on the intervening night of 24th-25th October. Police detained the car driver and action was taken against him.
(Video source: Delhi… pic.twitter.com/5lMAD0It7g
दरम्यान, उपस्थित पोलीस कर्मचाऱ्यांनी आरोपी चालकाचा पाठलाग केला अन् त्याला ताब्यात घेतले. ५२ वर्षीय रामलखन अशी आरोपीची ओळख असून तो मंडावलीचा रहिवासी आहे. पोलिसांनी दिलेल्या माहितीनुसार, आरोपीवर कारवाई करण्यात आली आहे.