जम्मू-काश्मीरमध्ये दहशतवाद्यांशी झालेल्या चकमकीत कर्नल शहीद

कूपवाडा, दि. १७ - जम्मू-काश्मीरच्या कूपवाडा जिल्ह्यात लष्कराचे जवान व दहशतवाद्यांदरम्यान झालेल्या चकमकीत कर्नल संतोष महाडिक शहीद झाले असून आणखी चार जवान जखमी झाल्याचे वृत्त आहे. लष्कराचे जवान व दहशतवाद्यांदरम्यान सोमवारी रात्री सुरू झालेली ही चकमक अद्यापही सुरूच आहे. कूपवाडाच्या जंगलात सुमारे ५ ते ८ दहशतवादी लपले असून ४१व्या राष्ट्रीय रायफल्सचे जवान त्यांचा शोध घेत असताना दहशतवाद्यांनी गोळीबार केल्याने ही चकमक सुरू झाली. त्यात कर्नल संतोष महाडिक व चार जवान गंभीर जखमी झाले होते, आणि उपचारांदरम्यान कर्नल महाडिक यांचे निधन झाले. कर्नल महाडिक हे मूळचे साता-याचे असल्याचे समजते.