कम्युनिस्ट ३४ वर्षे कुंभकर्णासारखे झोपले होते - ममता बॅनर्जी
By admin | Published: October 10, 2015 11:26 AM2015-10-10T11:26:21+5:302015-10-10T11:26:21+5:30
कम्युनिस्ट पार्टी ३४ वर्षे सत्तेत असताना कुंभकर्णासारखी जोपली होती, आणि आता आम्ही चांगलं काम करतोय तर त्यात ते खोडा घालतायत अशी टीका पश्चिम बंगालच्या मुख्यमंत्री ममता बॅनर्जींनी केली
कम्युनिस्ट ३४ वर्षे कुंभकर्णासारखे झोपले होते - ममता बॅनर्जी
Next
कोलकाता, दि. १० - कम्युनिस्ट पार्टी ३४ वर्षे सत्तेत असताना कुंभकर्णासारखी जोपली होती, आणि आता आम्ही चांगलं काम करतोय तर त्यात ते खोडा घालतायत अशी टीका पश्चिम बंगालच्या मुख्यमंत्री ममता बॅनर्जींनी केली आहे. राज्य सरकार करत असलेल्या विकासाला बाधा आणताना CPM हिंसक कारवाया करत असल्याचं बॅनर्जी म्हणाल्या. सीपीएमचे नेते आमच्या यशावर जळत असून त्याला काही इलाज नसल्याचेही त्या म्हणाल्या. बंगालची ३४ वर्षांच्या राजवटीत सीपीएमने वाट लावल्याचा आरोप करताना आम्ही विकासाची गाडी रुळावर आणण्याचा प्रयत्न करत असल्याचा दावा ममतादीदींनी केला आहे.
CPM ला जनतेने नाकारले असून आता त्यांनी गप्प बसावे असे सांगताना जो उड्डाणपूल त्यांनी करायला हवा होता तो ४५५ कोटी रुपये खर्चून आमच्या सरकारने केल्याचे त्यांनी सांगितले. राज्यातला सगळ्यात मोठ्या ४.३ किलोमीटर पूलाचे उद्घाटन ममतादीदींनी केले.
राज्यात ४००० कि.मीच्या महामार्गाचे काम करण्यात येत असून त्यातील १००० किमीचे काम राज्य सरकार करणार आहे. तसेच कोलकात्यातील पायाभूत सुविधा दिल्ली व बंगळूरपेक्षा चांगल्या करण्यात येतील असं आश्वासनही त्यांनी दिलं.
