कंपनीच्या एमडीने 'बर्थ डे' गिफ्टमध्ये मागितले 'सेक्स'

'बर्थ डे' गिफ्ट म्हणून कंपनीच्या व्यवस्थापकीय संचालकाने महिला सीईओकडे सेक्सची मागणी केल्याची घटना बंगळुरुमध्ये समोर आली आहे.

ऑनलाइन लोकमत 

बंगळुरु, दि. १८ - 'बर्थ डे' गिफ्ट म्हणून कंपनीच्या व्यवस्थापकीय संचालकाने महिला सीईओकडे सेक्सची मागणी केल्याची घटना बंगळुरुमध्ये समोर आली आहे. पीड़ित महिला हेल्थकेअर कंपनीची सीईओ असून, आरोपी ब्राईस जॉन कंपनीचा एमडी आहे. बंगळुरुच्या बीटीएम सेकंड स्टेज रोडवर या कंपनीचे कार्यालय आहे. 

 

बर्थ डे गिफ्ट म्हणून संपूर्ण दिवस रुममध्ये घालवण्याचा प्रस्ताव ब्राईसने माझ्यासमोर ठेवला. त्याने मला विवस्त्र करण्याची धमकीही दिली तसेच कार्यालय आणि लिफ्टमध्ये मला अत्यंत वाईट वागणूक दिली असा पीडित महिलेने आरोप केला आहे. तिने आरोपी विरोधात बोमानाहाली पोलिस स्थानकात गुन्हा दाखल केला. 

 

मी कामावर रुजू झाल्यापासून लैंगिक सुखासाठी ब्राईसने आपला छळ चालवला होता असे तिने तक्रारीत म्हटले आहे. ब्राईसने अनेकदा मला अयोग्य पद्धतीने स्पर्श करण्याचा प्रयत्न केला ज्यावर मी आक्षेप घेतला. हेल्थकेअर कंपनीत पीडित महिलेचीही गुंतवणूक आहे. 

 

२१ जुलैला बर्थ डे गिफ्ट म्हणून जॉनने आपल्याला त्याच्यासोबत वेळ घालवण्यासाठी बोलावले. आपण जर प्रस्ताव धुडकावला तर, कंपनीच्या नफ्यामध्ये हिस्सा देणार नाही असे आपल्याला सांगितल्याचे पीडित महिलेने तक्रारीत म्हटले आहे. जॉनचा छळ असहय्य झाल्याने अखेर या महिलेने पोलिसात तक्रार दाखल केली.