काँग्रेस खलिस्तानी दहशतवाद्यांना पाठिशी घालत आहे - सुखबीरसिंग बादल
By admin | Published: November 21, 2015 02:21 PM2015-11-21T14:21:35+5:302015-11-21T14:21:35+5:30
काँग्रेस पार्टी खलिस्तानवादी दहशतवाद्यांना पाठिशी घालत असून काँग्रेसला राष्ट्रविरोधी पक्ष म्हणून घोषित करावे अशी मागणी पंजाबचे उपमुख्यमंत्री व शिरोमणी अकाली दलाचे नेते सुखबीरसिंग बादल यांनी केली
काँग्रेस खलिस्तानी दहशतवाद्यांना पाठिशी घालत आहे - सुखबीरसिंग बादल
Next
चंदीगड, दि. २१ - काँग्रेस पार्टी खलिस्तानवादी दहशतवाद्यांना पाठिशी घालत असून काँग्रेसला राष्ट्रविरोधी पक्ष म्हणून घोषित करावे अशी मागणी पंजाबचे उपमुख्यमंत्री व शिरोमणी अकाली दलाचे नेते सुखबीरसिंग बादल यांनी केली आहे. काँग्रेसचे उपाध्यक्ष राहूल गांधींना पंजाबमध्ये जुने दहशतवादी कारवायांचे काळे दिवस परत यावेत असे वाटत असल्याची टीकाही त्यांनी केली आहे.
खलिस्तानवादी गटाच्या सभांमध्ये काँग्रेसचे नेते उपस्थित होते आणि खलिस्तानचे झेंडे फडकावले गेले तेव्हाही ते तिथे होते एवढंच नव्हे तर खलिस्तानचा ठराव ज्या फुटीरतावाद्यांच्या सभेत मंजूर करण्यात आला तेव्हाही काँग्रेसचे नेत उपस्थित होते असा आरोप बादल यांनी केला आहे.
आपण राष्ट्रपतींना तसेच गृहमंत्री राजनाथ सिंह यांना भेटणार आहोत आणि काँग्रेसला राष्ट्रद्रोही पार्टी म्हणून घोषित करण्याची मागणी करणार असल्याचे बादल यांनी पत्रकार परिषदेत सांगितले.
