एआयबीच्या तन्मयची सचिन तेंडुलकर आणि लता मंगेशकरांवर वादग्रस्त टीका

तन्मय भट्टनं सचिन तेंडुलकर आणि लता मंगेशकरांचा अपमान करणारा वादग्रस्त व्हिडीओ स्नॅपचॅट आणि फेसबुकवर शेअर केला

ऑनलाइन लोकमत

नवी दिल्ली, दि. 29- एआयबी आणि वाद हे जणू समीकरणच झालंय. आता एआयबीच्या एका व्हिडीओनं नव्या वादाला फोडणी दिली आहे. एआयबी कॉमेडी मास्टर तन्मय भट्टनं मास्टर ब्लास्टर सचिन तेंडुलकर आणि ज्येष्ठ गानसम्राज्ञी लता मंगेशकरांचा अपमान करणारा वादग्रस्त व्हिडीओ स्नॅपचॅट आणि फेसबुकवर शेअर केला आहे. या व्हिडीओमध्ये तन्मयनं अत्यंत खालच्या पातळीवर जाऊन सचिन तेंडुलकर आणि लता मंगेशकरांवर टीका केलीय. या वादग्रस्त व्हिडीओमध्ये सचिन आणि लता मंगेशकर यांच्या शाब्दिक चकमक झडल्याचं दाखवण्यात आलं असून, त्यात अश्लील शब्दांचा वापर करण्यात आला आहे. या व्हिडीओवरून तन्मय भट्ट याच्यावर चहूबाजूंनी टीका होऊ लागली आहे. अनेक बॉलिवूडकरांनी हा व्हिडीओ फन्नी नसून, वादग्रस्त असल्याचं म्हटलं आहे.

या आधीही एआयबीनं अभिनेता रणवीर सिंग, अर्जुन कपूर आणि चित्रपट निर्माता करण जोअर यांच्याबाबत शिवीगाळ केल्याचं दाखवलं होतं. त्याप्रकरणी एआयबीविरोधात एफआयआर दाखल झालं होतं. या व्हिडीओमध्ये तन्मयनं ज्येष्ठ गायिका लता मंगेशकरांना 'जॉन स्नोही मेला मग तुम्ही कधी मरणार आहात. तुमचा चेहरा आठ दिवस पाण्यात ठेवल्यासारखा दिसतो आहे', असे प्रश्न विचारून अत्यंत हीन भाषेत टीका केली आहे. व्हिडीओवर अनुपम खेर, रितेश देशमुख, सेलिना जेटली आणि युवा सेना अध्यक्ष आदित्य ठाकरेंनीही सडकून टीका केली आहे. 

 

हा व्हिडीओ पाहून मला धक्काच बसला, कोणाचाही अनादर करणं हा गमतीचा भाग होऊ शकत नाही- रितेश देशमुख

Am absolutely shocked. Disrespect is not cool and neither is it funny. https://t.co/ymYPi9hxuv

— Riteish Deshmukh (@Riteishd) May 28, 2016