Corona Virus : कोरोनाचा वेग वाढला, 6 महिन्यांचा रेकॉर्ड मोडला; 1 दिवसात 5335 रुग्ण आढळल्याने खळबळ

Corona Virus : कोरोना बाधित सक्रिय रुग्णांची संख्या 25,587 झाली आहे. गेल्या वर्षी 23 सप्टेंबरनंतर प्रथमच दैनंदिन प्रकरणांनी 5,000 चा टप्पा ओलांडला आहे.

भारतात सध्या कोरोना नियंत्रणाबाहेर जात असल्याचे दिसत आहे. गेल्या 24 तासात कोरोना व्हायरसचे 5335 नवीन रुग्ण आढळले आहेत. यासोबतच देशात सक्रिय रुग्णांची संख्याही वाढली आहे. सध्या, कोरोना बाधित सक्रिय रुग्णांची संख्या 25,587 झाली आहे. गेल्या वर्षी 23 सप्टेंबरनंतर प्रथमच दैनंदिन प्रकरणांनी 5,000 चा टप्पा ओलांडला आहे. त्याच वेळी, देशातील कोरोनाचा डेली पॉझिटिव्हिटी रेट 3.32 टक्के आहे.

गेल्या 24 तासांत 6 कोरोनाबाधितांचा मृत्यू झाला आहे. कोरोना व्हायरसच्या संसर्गाच्या बाबतीत, दिल्ली, महाराष्ट्र, हिमाचल प्रदेश, हरियाणा, तामिळनाडू आणि कर्नाटक विशेषतः प्रभावित असल्याचे दिसते. केंद्रीय आरोग्य मंत्रालयाच्या आकडेवारीनुसार, एका दिवसात कर्नाटकात 2, महाराष्ट्रात 2 आणि पंजाबमध्ये 1 रुग्णाचा मृत्यू झाला आहे. याशिवाय केरळमध्येही एका रुग्णाला आपला जीव गमवावा लागला आहे. 

भारतातील साप्ताहिक पॉझिटिव्हिटी रेट 2.89 टक्के आहे. गेल्या 24 तासांत 2 हजार 826 जणांनी कोरोनावर मात केली आहे. आणि तेथे 1993 लोकांनी डोस घेतला. भारतात आतापर्यंत 92.23 कोटी लोकांची चाचणी करण्यात आली आहे. बुधवारी कोरोना विषाणूच्या संसर्गाची 4,435 नवीन प्रकरणे समोर आल्यानंतर, देशात आतापर्यंत संक्रमित लोकांची संख्या 4,47,33,719 झाली आहे. गेल्या 163 दिवसांत नोंदवलेल्या दैनंदिन प्रकरणांची ही सर्वाधिक संख्या होती. त्याच वेळी, उपचार घेत असलेल्या रुग्णांची संख्या 23,091 वर पोहोचली आहे. 

गेल्या वर्षी 25 सप्टेंबर रोजी देशात कोरोनाचे 4,777 रुग्ण आढळले होते. बुधवारी रात्री आठ वाजता केंद्रीय आरोग्य मंत्रालयाने जारी केलेल्या अद्ययावत आकडेवारीनुसार, महाराष्ट्रात चार आणि छत्तीसगड, दिल्ली, गुजरात, हरियाणा, कर्नाटक, पुद्दुचेरी आणि प्रत्येकी एका रुग्णाचा मृत्यू झाल्यानंतर देशातील मृतांची संख्या वाढली आहे. राजस्थानमध्ये संसर्गाची संख्या 5,30,916 झाली आहे. एका हिंदी वेबसाईटने याबाबतचे वृत्त दिले आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"