ओमायक्रॉनच्या XBB 1.5 व्हेरिअंटचा वेगानं प्रसार, 'ही' लक्षणं जाणवताच तातडीनं चाचणी करा!
By ऑनलाइन लोकमत | Published: January 6, 2023 09:48 PM2023-01-06T21:48:28+5:302023-01-06T21:49:27+5:30
Omicron XBB 1.5 Variant: जगातील अनेक देशांमध्ये कोरोनाने कहर केला आहे. चीन, जपान आणि अमेरिकेत व्हायरसचे रुग्ण वाढत आहेत.
ओमायक्रॉनच्या XBB 1.5 व्हेरिअंटचा वेगानं प्रसार, 'ही' लक्षणं जाणवताच तातडीनं चाचणी करा!
Next Omicron XBB 1.5 Variant: जगातील अनेक देशांमध्ये कोरोनाने कहर केला आहे. चीन, जपान आणि अमेरिकेत व्हायरसचे रुग्ण वाढत आहेत. यूएस मध्ये Omicron च्या XBB 1.5 व्हेरियंटच्या रुग्णांमध्ये सतत वाढ होत असल्याचं पाहायला मिळत आहे. हा व्हेरिअंट ४१ टक्के नमुन्यांमध्ये आढळून आला आहे. या प्रकाराची रुग्ण भारतातही नोंदवली गेली आहेत. परदेशातून येणाऱ्या प्रवाशांपैकी १४ प्रवाशांमध्ये X-BB उप-प्रकारची पुष्टी झाली आहे. त्यामुळे आता काळजी व्यक्त केली जात आहे.
तज्ज्ञांच्या मते XBB 1.5 प्रकार ओमायक्रॉनच्या XBB च्या जुन्या उप-प्रकारातील उत्परिवर्तनाने तयार झाला आहे. अमेरिकेत या व्हेरिअंटचे काही आठवड्यांत ११ टक्क्यांवरून ४१ टक्क्यांपर्यंत वाढली आहेत. काही महिन्यांपूर्वी, सिंगापूरमध्ये X-BB प्रकाराची नोंद झाली होती. मग त्यामुळे तिथल्या नव्या रुग्णांमध्ये दुहेरी उडी दिसली. XBB 1.5 व्हेरियंट X-BB व्हेरिअंटची अपग्रेड आवृत्ती आहे. अशा परिस्थितीत हा प्रकार जगभरात पसरण्याची शक्यता बळावली आहे. भारतातही काही दिवसांपूर्वी X-BB 1.5 ची केस नोंदवण्यात आली होती. INSACOG च्या अहवालानुसार, गुजरातमध्ये या नव्या व्हेरिअंटचे रुग्ण समोर आले होते. परदेशातून येणाऱ्या प्रवाशांमध्येही हा प्रकार आढळून आला आहे.
इम्युनिटीलाही देऊ शकते चकवा
व्हायरोलॉजिस्ट अँड्र्यू पेकोज यांच्या मते, XBB 1.5 प्रकार कोविड विरूद्ध तयार केलेली प्रतिकारशक्ती कमी करू शकतो. यामुळे लोकांमध्ये पुन्हा संसर्ग होऊ शकतो. यामुळे गंभीर लक्षणांचा धोकाही असतो. भारतात अद्याप X-BB 1.5 प्रकाराची जास्त रुग्ण नाहीत, परंतु गेल्या काही महिन्यांत X-BB चे अनेक रुग्ण समोर येत आहेत, जरी X-BB प्रकारामुळे कोणत्याही रुग्णाला विषाणूची गंभीर लक्षणे आढळली नाहीत. हे फ्लूसारखेच आहे, परंतु शास्त्रज्ञांनी त्याच्या अपग्रेड व्हर्जन X-BB 1.5 व्हेरियंटबद्दल सतर्क केले आहे. अशा परिस्थितीत भारतानेही सावध राहण्याची गरज आहे.
लक्षणं कोणती?
एपिडेमियोलॉजिस्ट डॉ. अजय कुमार यांच्या मते, XBB 1.5 ची लक्षणे सध्या ओमिक्रॉन आणि X-BB प्रकारातील जुन्या उप-प्रकारांसारखीच आहेत. यामध्ये लोकांना सर्दी-खोकल्याबरोबरच हलका ताप येत असल्याची तक्रार आहे. ही लक्षणे दिसल्यावर कोविड चाचणी करता येईल.
डॉ. कुमार यांच्या मते, एक्स-बीबी 1.5 च्या लक्षणांवर आता लक्ष ठेवावे लागेल. यामध्ये काही बदल होत असल्यास किंवा फुफ्फुसात काही संसर्ग झाल्याची तक्रार असल्यास सतर्क राहण्याची गरज आहे. या क्षणी जीनोम सीक्वेंन्सिंग वाढवणे देखील आवश्यक आहे. याचे कारण असे की केवळ सीक्वेंन्सिंगच्याच माध्यमातून, या नवीन उप-प्रकारातील इतर संक्रमित लोक देखील ओळखले जाऊ शकतात आणि त्यांना वेळेवर वेगळे केले जाऊ शकते.