CoronaVirus Live Updates : लढ्याला यश! गेल्या 24 तासांत कोरोनाचे 10,273 नवे रुग्ण, 243 मृत्यू; पॉझिटिव्हिटी रेट 1 टक्क्यावर
By ऑनलाइन लोकमत | Published: February 27, 2022 10:06 AM2022-02-27T10:06:36+5:302022-02-27T10:13:52+5:30
CoronaVirus Marathi News and Live Updates: देशातील नव्या रुग्णांच्या संख्येत मोठी घट झाली आहे. सक्रिय रुग्णांची संख्या देखील कमी झाली आहे.
CoronaVirus Live Updates : लढ्याला यश! गेल्या 24 तासांत कोरोनाचे 10,273 नवे रुग्ण, 243 मृत्यू; पॉझिटिव्हिटी रेट 1 टक्क्यावर
Next नवी दिल्ली - कोरोना व्हायरसने सर्वत्र भीतीचे वातावरण निर्माण केले आहेत. प्रगत देश कोरोनापुढे हतबल झाले आहे. काही दिवसांपूर्वी देशामध्ये कोरोनाचा धोका वाढला असून रुग्णांची संख्यादेखील वाढत होती. मात्र आता सध्या देशात कोरोनाचा वेग मंदावताना दिसत आहे. देशातील कोरोनाग्रस्तांच्या संख्येने तब्बल तीन कोटींचा टप्पा पार केला आहे. मात्र असं असताना याच दरम्यान मोठा दिलासा मिळाला आहे. देशातील नव्या रुग्णांच्या संख्येत मोठी घट झाली आहे. सक्रिय रुग्णांची संख्या देखील कमी झाली आहे. कोरोनाबाबत आता सुखावणारी आकडेवारी समोर आली आहे. पॉझिटिव्हिटी रेट देखील कमी झाला आहे.
गेल्या 24 तासांत देशभरात कोरोनाचे दहा हजार नवे रुग्ण आढळून आले आहेत. भारतातील कोरोनाग्रस्तांची एकूण संख्या तब्बल तीन कोटींवर पोहोचली आहे. तर कोरोनामुळे देशभरात तब्बल 5 लाख लोकांना जीव गमवावा लागला आहे. मृतांचा आकडा 5,13,724 वर पोहोचला आहे. आरोग्य मंत्रालयाने याबाबत माहिती दिली आहे. रविवारी (27 फेब्रुवारी) केंद्रीय आरोग्य मंत्रालयाने दिलेल्या माहितीनुसार, देशात गेल्या 24 तासांत कोरोनाचे 10,273 नवे रुग्ण आढळून आले आहेत. देशाचा रिकव्हरी रेट देखील चांगला आहे. लाखो लोकांनी कोरोनावर मात केली असून उपचारानंतर त्यांना डिस्चार्ज देण्यात आला आहे.
India reports 10,273 fresh #COVID19 cases, 20,439 recoveries, and 243 deaths in the last 24 hours.
— ANI (@ANI) February 27, 2022
Active case: 1,11,472 (0.26%)
Daily positivity rate: 1.00%
Total recoveries: 4,22,90,921
Death toll: 5,13,724
Total vaccination: 1,77,44,08,129 pic.twitter.com/Qtyuy9lm72
दिवसाचा पॉझिटिव्हिटी दर हा एक टक्क्यावर
देशामधील सक्रिय रुग्णांची संख्या 1,11,472 वर पोहोचली आहे. तर 4,22,90,921 जण कोरोनातून बरे झाले आहेत. दिवसाचा पॉझिटिव्हिटी दर हा एक टक्क्यावर पोहोचला आहे. तर आठवड्याचा 1.36 टक्क्यांवर आहे. राजधानी दिल्लीत कोरोनाची प्रकरणे कमी केल्यानंतर दिल्ली आपत्ती व्यवस्थापन प्राधिकरणाने संसर्ग रोखण्यासाठी लादण्यात आलेल्या अनेक निर्बंधांमध्ये शिथिलता दिली आहे. डीडीएमएच्या बैठकीनंतर हा निर्णय घेण्यात आला. दिल्लीचे मुख्यमंत्री अरविंद केजरीवाल यांनी डीडीएमए बैठकीत सांगितले की, आता कोरोना नियंत्रणात आहे आणि दिल्लीत सर्व काही सुरू केलं पाहिजे. दिल्लीतील कोरोनाची प्रकरणे कमी झाल्यानंतर एक एप्रिलपासून सर्व शाळा पूर्णपणे सुरू होणार आहेत.
दिल्लीमध्ये कोरोनाबाबत नवीन मार्गदर्शक तत्त्वे; नाईट कर्फ्यू, मास्कबाबत केली 'ही' मोठी घोषणा
दिल्लीतील कोरोना व्हायरसचा पॉझिटिव्ह दर एक टक्क्यापेक्षा कमी झाल्यास दिल्लीतील रात्रीचा कर्फ्यू सोमवारपासून संपणार आहे, सध्या राष्ट्रीय राजधानी दिल्लीत रात्री 11 ते सकाळी 6 वाजेपर्यंत कर्फ्यू लागू आहे. दिल्ली आपत्ती व्यवस्थापन प्राधिकरणाच्या बैठकीनंतर दिल्लीत मास्क न घालण्याचा दंडही कमी करण्यात आला आहे. मास्क न घातल्याबद्दल 2000 रुपयांचा दंड कमी करून 500 रुपये करण्यात आला आहे. डीडीएमएने दिल्लीत बस आणि मेट्रोमध्ये उभे राहून प्रवास करण्याची परवानगीही दिली आहे. यासोबतच दुकाने उघडण्याची आणि बंद करण्याची मुदतही संपणार आहे. याशिवाय रेस्टॉरंट्स उघडण्यासाठी वेळेची मर्यादा नसेल आणि रेस्टॉरंट रात्री उशिरापर्यंत सुरू राहू शकतील.