CoronaVirus Live Updates : कोरोनाचा धसका! रुग्णसंख्येत वाढ होताच 'या' ठिकाणी झाली महिन्याभरात तब्बल 5 कोटी पॅरासिटामॉलची विक्री

CoronaVirus Marathi News and Live Updates : कोरोनावरील उपचारासाठी वापरण्यात येणाऱ्या एजिथ्रोमायसिन आणि डॉक्सीसायक्लिन या गोळ्यांची विक्री दोन कोटींहून अधिक झाली आहे. एप्रिलच्या दुसऱ्या आठवड्यापासून कोरोनाबाधितांची संख्या वाढू लागली आणि औषधांची विक्रीही वाढली.

नवी दिल्ली - देशातील कोरोनाग्रस्तांचा आकडा 2,60,31,991 वर पोहोचला आहे. गेल्या 24 तासांत कोरोनाचे 2,59,591 नवे रुग्ण आढळून आले आहेत. तर 4,209 जणांचा मृत्यू झाला आहे. कोरोनामुळे आतापर्यंत देशभरात तब्बल 2,91,331 लोकांना आपला जीव गमवावा लागला आहे. वेगाने पसरणाऱ्या कोरोनामुळे लोकांच्या मनात भीतीचे वातावरण निर्माण झाले आहे. देशात कोरोनाच्या दुसऱ्या लाटेचा कहर पाहायला मिळत आहे. अनेकांनी कोरोनाचा धसका घेतला आहे. काही राज्यांमध्ये कोरोनाचे रुग्ण वाढत आहेत. त्याबरोबरच औषधांची मागणीही मोठ्या प्रमाणात वाढताना दिसत आहे. याच दरम्यान एका ठिकाणी महिन्याभरात तब्बल 5 कोटी पॅरासिटामॉल विकल्या गेल्याची घटना समोर आली आहे. 

उत्तराखंडमधील कुमाऊमध्ये रुग्णांच्या संख्येत वाढ होत आहे. एका महिन्यात पाच कोटी पॅरासिटामॉल गोळ्यांची विक्री झाल्याची माहिती समोर येत आहे. तर कोरोनावरील उपचारासाठी वापरण्यात येणाऱ्या एजिथ्रोमायसिन आणि डॉक्सीसायक्लिन या गोळ्यांची विक्री दोन कोटींहून अधिक झाली आहे. एप्रिलच्या दुसऱ्या आठवड्यापासून कोरोनाबाधितांची संख्या वाढू लागली आणि औषधांची विक्रीही वाढली. अनेक ठिकाणी लोकांनी आधीच औषधं घेऊन ठेवल्याचंही दिसून आलं. येथील ऊधमसिंह नगर आणि हल्द्वानी येथून डोंगळार भागांमध्ये औषधांचा पुरवठा केला जातो. अनेक डॉक्टर कोरोना रुग्णांसाठी एजिथ्रोमायसिन आणि डॉक्सीसायक्लिन औषधच लिहून देत आहेत. 

काही ठिकाणी साडेसहाशे एमजी पॅरासिटामॉल गोळी घेण्याचाही सल्ला डॉक्टर देत आहेत. तसेच बी कॉम्पलेक्स, झिंकबरोबरच, क जीवनसत्व आणि आयवरमेक्टिनच्या गोळ्याही लिहून दिल्या जात आहेत. बी कॉम्पलेक्स झिंकबरोबरच क जीवनसत्वाच्या दोन दोन कोटी गोळ्यांची विक्री झाली आहे. त्याबरोबरच आयवरमेक्टिनच्या 50 लाख किंमतीच्या गोळ्या विकल्या गेल्यात. कुमाऊंमध्ये ड जीवनसत्वाची पाकिटं आणि गोळ्यांची पाच लाखांच्या आसपास विक्री झाली आहे. श्वसनासंदर्भातील त्रासांसाठी इन्हेलरचा वापर करण्याचा सल्लाही डॉक्टर देत असल्याने त्याचीही विक्री वाढली आहे. कोरोना रुग्णांवरील उपचारादम्यान रक्त पातळ करणारं इंजेक्शन दिलं जातं. मात्र या इंजेक्शनची आता कमतरता उत्तराखंडमधील कुमाऊंमध्ये जाणवू लागली आहे. 

CoronaVirus Live Updates : धक्कादायक! कोरोना मृतांच्या अंत्यसंस्कारासाठी नातेवाईकांकडे केली जातेय 25 हजार ते 70 हजारांची मागणी#coronavirus#CoronavirusIndia#CoronaUpdatesInIndia#COVID19India#coronainindiahttps://t.co/YYd3QWelep

— Lokmat (@MiLOKMAT) May 21, 2021

एजिथ्रोमायसिन आणि डॉक्सीसायक्लिन या गोळ्यांचीही कमतरता जाणवू लागली आहे. कोरोनावरील उपाय म्हणून रोगप्रतिकारशक्ती वाढवण्यासाठी वापरण्यात येणारी आयुर्वेदिक औषध आयुष 64 आणि पतंजलीच्या कोरोनील गोळ्याही बाजारात उपलब्ध नाहीत. केमिस्ट अँड ड्रग्स असोसिएशनचे अध्यक्ष उमेश जोशी यांनी "पॅरासिटामॉल आणि अँटीबायोटिक गोळ्यांची मागणी वाढली आहे. पॅरासिटामॉलचे जवळजवळ चार ते पाट कोटी आणि दोन कोटी अँटीबायोटिक गोळ्यांची विक्री झाली आहे. त्याबरोबरच जीवनसत्व क, जीवनसत्व ड आणि बी कॉम्पलेक्सबरोबरच झिंकच्या गोळ्यांचीही मागणी वाढली आहे" असं म्हटलं आहे. एका हिंदी वेबसाईटने याबाबतचे वृत्त दिले आहे. 

CoronaVirus Live Updates : धक्कादायक! लग्नानंतर 4 दिवसांत कोरोनाची लागण, उपचार सुरू असतानाच...; मन सुन्न करणारी घटना#coronavirus#CoronavirusIndia#CoronaUpdatesInIndia#COVID19India#coronainindia#marriagehttps://t.co/cDTmnIAIVo

— Lokmat (@MiLOKMAT) May 20, 2021

CoronaVirus Live Updates : फक्त 14 टक्के लोक हे मास्क नीट लावतात, बाकीचे...; रिसर्चमधून खुलासा#coronavirus#CoronavirusIndia#CoronaUpdatesInIndia#COVID19India#coronainindia#Maskhttps://t.co/B1naUlHKZW

— Lokmat (@MiLOKMAT) May 20, 2021