Coronavirus: शरद पवार यांना कोरोनाचा संसर्ग, पंतप्रधान नरेंद्र मोदींनी तातडीने फोन करून केली प्रकृतीची विचारपूस
By ऑनलाइन लोकमत | Published: January 24, 2022 04:11 PM2022-01-24T16:11:47+5:302022-01-24T16:13:49+5:30
Sharad Pawar News: शरद पवार यांना कोरोनाचा संसर्ग झाल्याची बातमी आल्यानंतर पंतप्रधान Narendra Modi यांनी शरद पवारांना कोरोनाचा संसर्ग झाल्याचे समजल्यानंतर तातडीने फोन करून पवार यांच्या प्रकृतीची विचारपूस केली.
Coronavirus: शरद पवार यांना कोरोनाचा संसर्ग, पंतप्रधान नरेंद्र मोदींनी तातडीने फोन करून केली प्रकृतीची विचारपूस
Next मुंबई/ नवी दिल्ली - राष्ट्रवादी काँग्रेसचे प्रमुख आणि देशाच्या राजकारणातील ज्येष्ठ नेते शरद पवार यांना कोरोनाचा संसर्ग झाला आहे. पवारांना कोरोनाचा संसर्ग झाल्याची बातमी आल्यानंतर त्यांच्या प्रकृतीची विचारपूस करण्यासाठी विविध क्षेत्रातील मंडळींकडून रीघ लागली आहे. दरम्यान, पंतप्रधान नरेंद्र मोदी यांनी शरद पवारांना कोरोनाचा संसर्ग झाल्याचे समजल्यानंतर तातडीने फोन करून पवार यांच्या प्रकृतीची विचारपूस केली.
शरद पवार यांनी ट्विट करत यासंदर्भातील माहिती दिली आहे. पंतप्रधान नरेंद्र मोदी यांनी यांनी मला फोन करून माझ्या प्रकृतीची विचारपूस केली. माझ्या प्रकृतीची विचारपूस केल्याबद्दल मी त्यांचे आभार मानतो, असे शरद पवार यांनी ट्विट केले.
Prime Minister Shri Narendra Modi ji called to enquire about my health. I am thankful for his concern and good wishes.@PMOIndia
— Sharad Pawar (@PawarSpeaks) January 24, 2022
शरद पवार यांना कोरोनाचा संसर्ग झाल्याचे वृत्त आज दुपारी आले. स्वत: शरद पवार यांनी ट्विट करत यासंदर्भातील माहिती दिली होती. माझी कोरोना चाचणी पॉझिटिव्ह आली आहे. मात्र, काळजी करण्याचं कारण नाही. माझ्या डॉक्टरांच्या सल्ल्यानुसार मी उपचार घेत आहे. पण, गेल्या काही दिवसांपासून माझ्या संपर्कात आलेल्या लोकांनी स्वत:ची टेस्ट करावी आणि आपली काळजी घ्यावी, असे आवाहनही शरद पवार यांनी ट्विटरच्या माध्यमातून केलं होतं.