क्राईम फोल्डर

अल्पवयीन मुलीला पळविले

अ�

��्पवयीन मुलीला पळविले
नागपूर : धंतोलीतील अमोघ रामटेके (वय २०) याने गिट्टीखदानमधील एका १७ वर्षीय मुलीला फूस लावून पळविले. मंगळवारी दुपारी १ वाजता ही घटना उघडकीस आली. मुलीच्या पालकांनी दिलेल्या तक्रारीवरून गिट्टीखदान पोलिसांनी अपहरणाचा गुन्हा दाखल केला.
---
किराणा दुकानदारावर चाकूहल्ला
तीन हजार रुपये पळविले
नागपूर : सिगारेटचे पैसे मागितले म्हणून किराणा दुकानदारावर तिघांनी चाकूहल्ला करून गल्ल्यातील तीन हजार रुपये लुटून नेले. बुधवारी रात्री ९.३० वाजता बेझनबाग, जरीपटक्यात ही घटना घडली. गोलू, कोटांगले आणि सहदाब अशी आरोपींची नावे आहेत. संजय संुदरलाल पारस्कर (वय ४३) असे जखमी दुकानदारांचे नाव आहे. त्यांच्यावर मेयोत उपचार सुरू आहेत. त्यांनी दिलेल्या तक्रारीवरून जरीपटका पोलिसांनी आरोपींवर गुन्हे दाखल केले. त्यांचा शोध घेतला जात आहे.
---
महिलेचा पाठलाग करून अश्लील शिवीगाळ
नागपूर : आजारी मुलाचा उपचार करून घरी जात असलेल्या महिलेचा एकाने पाठलाग केला. त्याला हटकले असता त्याने महिलेला अश्लील शिवीगाळ करून धमकी दिली. गिट्टीखदान परिसरात ही घटना घडली. पीडित महिलेच्या तक्रारीवरून पोलिसांनी खालिक शेख (रा. साईनगर) या आरोपीवर विनयभंग तसेच धमकी दिल्याच्या आरोपावरून गुन्हे दाखल केले.
----
विहिरीत उडी घेऊन आत्महत्या
नागपूर : तरोडी येथील गंगानगरात राहणारे राजेंद्र धरमदास वर्मा (वय ४०) यांनी विहिरीत उडी घेऊन आत्महत्या केली. बुधवारी ही घटना उघडकीस आली. धरमदास कन्हैयालाल वर्मा (वय ६२) यांच्या तक्रारूवरून नंदनवन पोलिसांनी अकस्मात मृत्यूची नोंद केली. राजेंद्रच्या आत्महत्येचे कारण शोधले जात आहे.
---
वृद्धेने लावला गळफास
नागपूर : पाचपावलीतील नाईक तलाव परिसरात राहाणाऱ्या तुलसीबाई आनंदराव केळवदकर (वय ६५) यांनी बुधवारी दुपारी १ ते ३ च्या दरम्यान गळफास लावून आत्महत्या केली. राजू आनंदराव केळवदकर (वय ४०) यांच्या सूचनेवरून पाचपावली पोलिसांनी आकस्मिक मृत्यूची नोंद केली.
------