गुन्हेविषयक सिंगल कॉलम बातम्या

च�

��कू हल्ल्यात तरुण जखमी
कोराडी : दोन सख्ख्या भावांमध्ये क्षुल्लक करणावरून उद्भवलेल्या भांडणाचे रुपांतर हाणामारीत झाले. त्यातच एकाने दुसऱ्यावर चाकूने वार करून त्याला गंभीर जखमी केले. ही घटना कोराडी पोलीस ठाण्याच्या हद्दीतील ताजनगर झोपडपट्टीत शनिवारी मध्यरात्री १२.१५ वाजताच्या सुमारास घडली.
गणेश शिवराम कोठे (२९, रा. ताजनगर, झोपडपट्टी, कोराडी, ता. कामठी) असे जखमीचे नाव असून, दिनेश शिवराम कोठे (२२, रा. ताजनगर झोपडपट्टी, कोराडी, ता. कामठी) असे अटक करण्यात आलेल्या आरोपीचे नाव आहे. गणेश आणि दिनेश या दोघांमध्ये क्षुल्लक कारणावरून भांडण झाले. सदर भांडण विकोपास केल्याने दिनेशने गणेशला मारहाण करायला सुरुवात केली. त्यातच त्याने गणेशच्या गळा व पोटावर चाकूने वार केले. गणेशवर नागपूर येथील मेयो रुग्णालयात उपचार सुरू आहेत. या प्रकरणी राणी गणेश कोठे यांच्या तक्रारीवरून कोराडी पोलिसांनी भादंवि ३२६, सहकलम १३५ अन्वये गुन्हा नोंदवून आरोपी दिनेशला अटक केली. सदर घटनेचा तपास सहायक पोलीस निरीक्षक कवाडे करीत आहेत. (वार्ताहर)
***
अनोळखी तरुणाचा मृतदेह आढळला
कोराडी : पोलीस ठाण्याच्या हद्दीतील सुरादेवी शिवारातील कालव्यात अनोळखी तरुणाचा मृतदेह तरंगताना आढळून आला. ही घटना शनिवारी सायंकाळी ६.३० वाजताच्या सुमारास उघडकीस आली.
सदर तरुणाचे वय ३० ते ३५ वर्षाच्या दरम्यान आहे. या प्रकरणी कोराडी पोलिसांनी विनोद रामदास चिवंडे रा. खापरखेडा याच्या सूचनेवरून अकस्मात मृत्यूची नोंद केली आहे. सदर घटनेचा तपास उपनिरीक्षक धानोरकर करीत आहे. (वार्ताहर)
***