्रगुन्हे वार्ता

ग�

��न्हे वार्ता
अजनीत घरफोडी
नागपूर :
अजनी परिसरातील सुंदरबन ले-आऊट येथील एका बंद घरातील कुलूप तोडून चोरट्यांनी सोन्या-चांदीचे दागिने व हजार रुपये रोख असा एकूण १ लाख १० हजार रुपयाचा माल चोरून नेला.
ही घटना शनिवारी दुपारी ३.४५ ते सायंकाळी ७ वाजताच्या सुमारास नितीन पांडे (४९) यांच्या घरी घडली. पांडे हे घराला कुलूप लावून त्रिमूर्तीनगर येथील आपल्या बहिणीच्या घरी गेले होते. दरम्यान ही घटना घडली.

वृद्ध महिलेचा मृत्यू
नागपूर :
मंगळवारी येथील एक ६० वर्षीय वृद्ध महिला लकडगंज परिसरातील लाकडीपुलाजवळ पडून गंभीर जखमी झाली. त्यांना उपचारासाठी मेयो रुग्णालयात नेले असता डॉक्टरांनी तपासून मृत घोषित केले.
तुळसाबाई वासनिक असे मृत महिलेचे नाव आहे. त्या मंगळवारी बौद्ध विहारजवळ राहात होत्या. शनिवारी सायंकाळी ४ वाजताच्या सुमारास त्या महालकडून लाकडीपुलाकडे जात होत्या. दरमयान त्या अचानक खाली पडून जखमी झाल्या. मेयोमध्ये उपचारादरम्यान त्यांचा मृत्यू झाला. लकडगंज पोलिसांनी आकस्मिक मृत्यूची नोंद केली आहे.

पादचाऱ्यास कारने उडविले
नागपूर :
वर्धा रोड खापरीजवळ शनिवारी रात्री ९ वाजताच्या सुमारास रस्ता ओलांडत असताना एका ६० वर्षाच्या वृद्धाला पांढऱ्या रंगाच्या कार चालकाने धडक दिली. यात गंभीर जखमी झालेल्या वृद्धाचा मृत्यू झाला.
सुखदेव नानवटे असे मृताचे नाव आहे. ते रस्ता ओलांडत असताना हा अपघात घडला. कार चालक धडक देऊन पळून गेला. सोनेगाव पोलिसांनी अज्ञात वाहन चालकाविरुद्ध गुन्हा दाखल केला आहे.