क्रूसची विराटला ‘गिफ्ट’

जर्मनीचा मिडफिल्डर टोनी क्रूस याने भारतीय क्रिकेट संघाचा कर्णधार विराट कोहली याला स्वाक्षरीसह संघाची जर्सी भेट म्हणून पाठवली आहे.

नवी दिल्ली : जर्मनीचा मिडफिल्डर टोनी क्रूस याने भारतीय क्रिकेट संघाचा कर्णधार विराट कोहली याला स्वाक्षरीसह संघाची जर्सी भेट म्हणून पाठवली आहे.
युरो चषक स्पर्धा सुरू होण्यापूर्वी कोहलीने आपण जर्मनी संघासाठी ‘चिअरअप’ करणार असल्याचे सांगितले. त्याने टोनी क्रूसची १८ नंबरची जर्सी घालून फोटो ट्विटरवर टाकला होता. या वेळी क्रूसने विराटचे आभार मानून त्याला खास गिफ्ट देण्याचे प्रॉमिस केले होते.
कोहली स्वत: १८ क्रमांकाची जर्सी घालतो. क्रूसनेही आपल्या व्यस्त कार्यक्रमातून विराटला दिलेल्या प्रॉमिसची आठवण ठेवून त्यांच्यासाठी जर्मन संघाची १८ क्रमांकाची जर्सी पाठवली आहे.(वृत्तसंस्था)
>ही भेट मिळताच विराटने क्रूससाठी थँक्यु टोनी असे आभाराचे ट्विट केले. यावेळी त्याने इटलीविरुद्धच्या उपांत्यपूर्व सामन्यासाठी शुभेच्छा दिल्या आहेत.