सुनेचे सासऱ्याशी संबंध, २ लाखांसाठी गुप्तांग कापले, त्यानंतर...

Crime News: गुजरातमधील धक्कादायक घटना चर्चेत आहे. खेडा जिल्ह्यातील एका महिलेला तिच्या वृद्ध सासऱ्याच्या हत्येप्रकरणी अटक करण्यात आली आहे. परदेशात जाण्यासाठी त्याने तिला २ लाख रुपये देण्यास नकार दिल्याने तिने हे पाऊल उचलल्याचा आरोप आहे.

गुजरातमधील धक्कादायक घटना चर्चेत आहे. खेडा जिल्ह्यातील एका महिलेला तिच्या वृद्ध सासऱ्याच्या हत्येप्रकरणी अटक करण्यात आली आहे. परदेशात जाण्यासाठी त्याने तिला २ लाख रुपये देण्यास नकार दिल्याने तिने हे पाऊल उचलल्याचा आरोप आहे. आरोपी सुनेने सासऱ्याचे गुप्तांग कापले व डोक्यावर जोरदार प्रहार केला.

जगदीश शर्मा (७५) असे मृताचे नाव असून सून मनीषा शर्मा हिने पोलिस चौकशीत गुन्ह्याची कबुली दिली आणि सासऱ्यासह अनेकदा शारीरिक संबंध बनवले व त्या बदल्यात पैसे मिळायचे असे सांगितले. सुमारे महिनाभरापूर्वी मनीषाची फेसबुकवर एका पुरुषाशी मैत्री झाली. त्याने तिला परदेशात जाण्याचे स्वप्न दाखवले, पण त्यासाठी २ लाख रुपयांची गरज होती. मनीषाने सासऱ्याकडे पैसे मागितले असता त्यांनी नकार दिला, याच रागातून तिने हत्येचा कट रचला. त्यानंतर सासऱ्यासह चोल येथील जुन्या घरी जाऊन शारीरिक संबंध बनवतानाच तिने तीक्ष्ण हत्याराने त्यांचे गुप्तांग कापले, डोक्यावर वार केला आणि घरी परतली. तीन दिवसांनंतरही जगदीश न परतल्याने घरातल्यांनी शोध सुरू केला आणि अखेर ५ सप्टेंबर रोजी जुन्या घरात नग्नावस्थेत त्यांचा मृतदेह आढळला. 

मृतकाच्या मोठ्या मुलाने पोलिसांसमोर लहान भावाच्या बायकोवर संशय व्यक्त केल्यावर पोलिस चौकशीत मनीषाने हत्येची कबुली दिली. तिला अटक करून पोलिसांनी पुढील कारवाई सुरू केली आहे.