काश्मीरमध्ये दैनंदिन व्यवहार विस्कळीत

युवकाच्या हत्येच्या निषेधार्थ फुटीरवाद्यांनी शुक्रवारी बंदचे आवाहन केल्यावर प्रशासनाने नागरिकांच्या हालचालींवर बंधने घातली.

श्रीनगर : युवकाच्या हत्येच्या निषेधार्थ फुटीरवाद्यांनी शुक्रवारी बंदचे आवाहन केल्यावर प्रशासनाने नागरिकांच्या हालचालींवर बंधने घातली. काश्मीरच्या अनेक भागांत दैनंदिन जीवन विकळीत झाले. संपूर्ण खोऱ्यात शाळा आणि महाविद्यालये व अनेक भागांत दुकाने, कार्यालये तसेच व्यापारी केंद्रे बंद होती.
शोपियान व श्रीनगरमधील काही भागांत प्रशासनाने कायदा आणि सुव्यवस्था राखण्यासाठी लोकांच्या येण्याजाण्यावर निर्बंध घातले. राष्ट्रीय तपास संस्थेने खोऱ्यात घातलेले छापे आणि सुरक्षादले व नागरिकांत मंगळवारी गनपोरा शोपियान येथे चकमकीत आदिल फारूक (१९) मारला गेल्याच्या निषेधार्थ फुटीरवाद्यांनी बंदचे आवाहन केल्याच्या पार्श्वभूमीवर ही बंधने होती.