दीपिका, जॅकलीन, सोनाक्षी, राणी ‘बीपीएल’मध्ये!

बॉलीवुड तारका दीपिका पदुकोन, जॅकलीन फर्नांडिस, सोनाक्षी सिन्हा आाणि राणी मुखर्जी भलेही मुंबईतील बहुमजली इमारतीत रहात असतील; परंतु, त्यांच्या नावे बीपीएल रेशन कार्ड

फरुखाबाद : बॉलीवुड तारका दीपिका पदुकोन, जॅकलीन फर्नांडिस, सोनाक्षी सिन्हा आाणि राणी मुखर्जी भलेही मुंबईतील बहुमजली इमारतीत रहात असतील; परंतु, त्यांच्या नावे बीपीएल रेशन कार्ड (दारिद्य्ररेषेखालील लोकांसाठीची शिधापत्रिका) काढण्यात आले असून त्यावर रेशनही वितरीत केले जात आहे. उत्तरप्रदेशातील फरुखाबाद जिल्ह्यात हा प्रकार सुरू होता. साहबगंज गावातील जागरुक नागरिकांनी ही बाब प्रशासनाच्या नजरेस आणून दिली.
या गावातील दारिद्यरेषेखालील लोकांना देण्यात येणारे अंत्योदय रेशनकार्डधारकांत दीपिका पदुकोन, जॅक्लीन फर्नांडिस, सोनाक्षी सिन्हा आण राणी मुखर्जी यांची नावे समाविष्ट असून त्यांच्या नावे रेशन हडप करण्यात येत असल्याची तक्रार ग्रामस्थांनी केली होती. उपजिल्हाधिकारी अजीत कुमार यांनी केलेल्या चौकशीत या तक्रारीत तथ्य असल्याचे आढळून आले. कुमार यांनी चौकशीचा अहवाल जिल्हाधिकारी प्रकाश बिंदू यांच्याकडे सादर केला. या अहवालानुसार, १६९ कुटुंबांसाठी रेशनकार्ड तयार करण्यात आले असून त्यातील ४० रेशनकार्ड अंत्योदय श्रेणीचे आहेत. यातील काही कार्ड बॉलीवुड तारकांच्या नावे असून कार्डवर त्या सर्व विवाहीत असल्याचे सांगण्यात आले आहे. दीपिकाचे नाव सामान्य श्रेणीच्या आदीत आहे तर उर्वरित अभिनेत्रींची नावे अंत्योदय श्रेणीच्या यादीत होते. या गडबडीला जबाबदार असलेल्यांवर कारवाई करण्यात येईल, असे जिल्हाधिकाऱ्यांनी सांगितले.

तारकांच्या नसलेल्या पतींचीही नावे
या अहवालानुसार, गावातील १६९ कुटुंबासाठी रेशनकार्ड तयार करण्यात आले असून त्यातील ४० रेशनकार्ड अंत्योदय श्रेणीचे आहेत. यातील काही कार्ड बॉलीवुड तारकांच्या नावे असून कार्डवर त्या सर्व विवाहीत असल्याचे सांगण्यात आले आहे. एवढेच नाहीतर त्यांच्या नावाच्या पुढे त्यांच्या पतीचे नावही टाकण्यात आले आहे.
रेशनकार्डवर दीपिका पदुकोन पती राकेश चंद्र, जॅकलीन फर्नांडिस पती साधुलाल, राणि मुखर्जी पती राम स्वरूप आणि सोनाक्षी सिन्हा पती रमेशचंद्र अशी नावे आहेत.