धक्कादायक! दिल्लीत पाच मजली घर कोसळलं, भीषण व्हिडीओ व्हायरल

दिल्लीतील विजय पार्क परिसरात गिरा रोडच्या दिशेने पाच मजली इमारत कोसळली. या अपघातात कोणतीही जीवितहानी झाल्याची माहिती नाही. अपघाताची माहिती मिळताच पोलीस आणि अग्निशमन दलाच्या गाड्या घटनास्थळी दाखल झाल्या. घटनास्थळाच्या आजूबाजूचा रस्ता बंद करण्यात आला आहे. तेथून वाहनांची वाहतूक बंद करण्यात आली आहे. सध्या ढिगारा हटवण्याचे काम सुरू आहे. घर कोसळल्याचे व्हिडीओ सोशल मीडियावर व्हायरल होत आहेत. त्यात एक २९ सेकंदाचा व्हिडीओ देखील आहे, यामध्ये पाच मजली घर अवघ्या ४ सेकंदात उद्ध्वस्त झाल्याचे दिसत आहे.

इमारत कोसळताच घटनास्थळी उपस्थित लोक स्वत:ला वाचवण्यासाठी इकडे-तिकडे धावू लागले. आजूबाजूची घरे, दुकाने किंवा काही वाहनेही या अपघाताच्या तडाख्यात आली आहेत. मात्र, या दुर्घटनेमुळे झालेल्या नुकसानीबाबत अद्याप कोणतेही अधिकृत माहिती समोर आलेली नाही.

#WATCH | Delhi: A building collapsed in Vijay Park, Bhajanpura. Fire department present at the spot, rescue operations underway. Details awaited

(Video Source - Shot by locals, confirmed by Police) pic.twitter.com/FV3YDhphoE

— ANI (@ANI) March 8, 2023

दुसरीकडे, घटनास्थळी पोहोचलेले पोलीस दल लोकांना गर्दीपासून दूर राहण्यास सांगत असल्याचे दुसऱ्या व्हिडिओमध्ये दिसत आहे. मिळालेल्या माहितीनुसार, परिसरातील ढिगारा हटवण्यास वेळ लागणार आहे. त्याचबरोबर इमारत कोसळण्यामागची कारणेही शोधली जात आहेत.