५०० एकर जागेसाठी आमदारांचा प्रयत्न पाण्यासाठी चर्चा : नशिराबाद शिवारात नवीन सबस्टेशनचे काम सुरू ( भाग आठ)

जळगाव : औद्योगिक वसाहतीच्या विस्तारासाठी तालुक्यात सुमारे ५०० एकर जागेचा शोध सुरू आहे. उमाळा व नशिराबाद भागात इतर उद्योग असल्याने याच क्षेत्रातील जमीन अधिग्रहित करण्याबाबत आमदार सुरेश भोळे यांनी प्रयत्न सुरू केले आहे.

ज�

��गाव : औद्योगिक वसाहतीच्या विस्तारासाठी तालुक्यात सुमारे ५०० एकर जागेचा शोध सुरू आहे. उमाळा व नशिराबाद भागात इतर उद्योग असल्याने याच क्षेत्रातील जमीन अधिग्रहित करण्याबाबत आमदार सुरेश भोळे यांनी प्रयत्न सुरू केले आहे.
एमआयडीसीच्या विस्तारासाठी जळगाव तालुक्यातील नशिराबाद, कडगाव, उमाळा यापैकी एक गाव दत्तक घेऊन एमआयडीसीचा विकास करण्याबाबत आमदार सुरेश भोळे यांनी पुढाकार घेतला आहे. यासाठी उमाळा व नशिराबाद परिसरात नुकतेच नवीन सबस्टेशन मंजूर करण्यात आले आहे. या भागात पाण्याची समस्या मोठी आहे. त्यासाठी हतनूर व वाघूर धरणातून व्यावसायिकपद्धतीने नियमानुसार पाण्याचेे वाटप करण्यासाठी त्यांचा जलसंपदा मंत्री गिरीश महाजन व महसूल मंत्री एकनाथराव खडसे यांच्याकडे पाठपुरावा सुरू आहे.
प्लॉट परत घेऊन नवीन उद्योजकांना देणार
शहरातील एमआयडीसी भागात अनेक उद्योगांसाठी प्लॉटचे वितरण करण्यात आले आहे. त्यापैकी बहुतांश प्लॉटवर उद्योगांची उभारणी झालेली नाही तर अनेक उद्योग बंद पडलेले आहेत. अशा प्लॉट धारक व बंद उद्योगांना विनंती करून उद्योग भाडे अथवा भागीदारी तत्त्वावर सुरू करण्याची गरज आहे. अनेक वर्षांपासून प्लॉट घेऊन उद्योगांची उभारणी न करणार्‍या प्लॉट धारकांकडून प्लॉट परत घेऊन नवीन उद्योजकांना देण्याची गरज आहे. याबाबत संबंधितांना एमआयडीसीकडून नोटीस देण्याची गरज आहे.

३५ उद्योजकांशी चर्चा
शहरासह परिसरात नवीन उद्योग येण्यासाठी टायर, केमिकल सह अन्य जवळपास ३५ उद्योजकांशी चर्चा करण्यात आली आहे. मुंबई, पुणे, नागपूर, इंदौर या शहरांसह गुजरात राज्य जवळ आहे व वाहतुकीसाठी रेल्वे, महामार्गाची चांगली सुविधा असल्याचे व्हिजन उद्योजकांसमोर ठेवण्यात आले आहे. उद्योगांना परिसरातील नशिराबाद, उमाळा, कडगाव कंडारी सह इतर गावामधून मोठ्या प्रमाणात मजूर उपलब्ध होऊ शकतो त्यामुळे परिसरातील युवकांना रोजगार मिळणे शक्य होईल.

कोट

जळगाव एमआयडीसी भागात जागा शिल्लक नसल्याने उजाळ कुसुंबा व नशिराबाद शिवारातील जमिनीच्या प्रस्तावासाठी आपण पाठपुरावा करणार आहोत. एमआयडीसीमध्ये अनेक मोकळे प्लॉट आहेत. त्या ठिकाणी कोणतेही उद्योग नाहीत. अशा प्लॉटधारकांना ते सोडण्याबाबत विनंती करण्यात येणार आहे. लघुउद्योगांना प्राधान्य मिळावे ही आपली भूमिका आहे. या भागातील मोकळ्या जागा उद्योजक आणि एमआयडीसी विभाग यांनी विकसित करून त्याचा कार्यक्रमांसाठी वापर करावा.
सुरेश भोळे, आमदार, जळगाव ग्रामीण.