विकृत वडिलांचा मुलीवर बलात्कार, मुलीने पुरावा म्हणून केली व्हिडिओ रेकॉर्डीग
By लोकमत न्यूज नेटवर्क | Published: March 18, 2016 12:29 PM2016-03-18T12:29:37+5:302016-03-18T12:29:37+5:30
आपल्यावर बलात्कार करणा-या विकृत पित्याचा खरा चेहरा पिडीत मुलीनेच जगासमोर आणला आहे
विकृत वडिलांचा मुलीवर बलात्कार, मुलीने पुरावा म्हणून केली व्हिडिओ रेकॉर्डीग
Next उत्तरप्रदेश, दि. १८ - आपल्यावर बलात्कार करणा-या विकृत पित्याचा खरा चेहरा पिडीत मुलीनेच जगासमोर आणला आहे. आपल्यावर बलात्कार करणा-या विकृत पित्याचं कृत्य जगासमोर आणण्यासाठी पिडीत मुलीने आपल्या मित्राच्या मदतीने व्हिडिओ रेकॉर्डीग करुन हे सत्य उघड केलं आहे. झांशी जिल्ह्यातील ओराई शहरात ही धक्कादायक घडली आहे. पोलिसांनी आरोपी पित्याला अटक केली आहे.
बीएससीला शिकणा-या या पिडीत मुलीने आपल्या पित्याविरोधात लैंगिक छळ करत असल्याची पोलीस ठाण्यात तक्रार केली आहे. आपल्या या विकृत पित्याला अटक व्हावी यासाठी मुलीनेच आपल्या मित्राच्या सहाय्याने सापळा रचला. आईच्या अनुपस्थितीत वडिल आपल्यावर लैंगिक अत्याचार करणार हे मुलीला माहित होतं. तिने मित्राला घराजवळच थांबण्यास सांगितले. मित्राने खिडकीतून हा सगळा प्रकार रेकॉर्ड करुन त्याचा व्हिडिओ तयार केला.
धक्कादायक बाब म्हणजे पिडीत मुलीने आपल्या आईला याबद्दल सांगितलं होत. मात्र आईने याकडे दुर्लक्ष केलं.त्यामुळे पिडीत मुलीने हा पर्याय निवडला. मुलीने पोलीस ठाण्यात जाऊन तक्रार केली आणि सोबत पुरावा म्हणून व्हिडिओही दिला. त्यानंतर पोलिसांनी आरोपी पित्याला अटक केली आहे. मुलीने आपल्या मित्राची ओळख समोर न आणण्याची विनंती केली आहे.