मुंबई, हरयाणात ईडीची छापेमारी; आलिशान वाहने केली जप्त, कागदपत्रे ताब्यात घेतली

व्ह्यूनो मार्केटिंग सर्व्हिसेस लिमिटेड विरुद्ध मनी लाँड्रिंग प्रकरणी ईडीने कारवाई केली आहे.

व्ह्यूनो मार्केटिंग सर्व्हिसेस लिमिटेड विरुद्ध मनी लाँड्रिंगच्या चौकशीसंदर्भात हरयाणा, पंजाब आणि मुंबईत टाकलेल्या अनेक राज्यांमध्ये टाकलेल्या छाप्यांमध्ये ईडीने विविध आलिशान वाहने, तीन लाख रुपयांची रोख रक्कम, कागदपत्रे, रेकॉर्ड आणि डिजिटल उपकरणे जप्त केली आहेत, याबाबत ईडीने सोमवारी माहिती दिली.

प्रियांका शर्माच्या शरीरावर ९ जखमांच्या खुणा; थायलंडमधील हत्या प्रकरणी नवा खुलासा

ईडीच्या जालंधर झोनल ऑफिसने १७ जानेवारी रोजी हरयाणाच्या गुरुग्राम, पंचकुला आणि जिंद; पंजाबचे मोहाली; आणि मुंबई येथील अकरा ठिकाणी केलेल्या छाप्यांमध्ये ही मालमत्ता जप्त केली. या ठिकाणी व्ह्यूनो इन्फ्राटेक लिमिटेड, बिग बॉय टॉयझ, मनदेशी फूड्स प्रायव्हेट लिमिटेड, प्लँकडॉट प्रायव्हेट लिमिटेड, बायटेकॅनव्हास एलएलपी, स्कायव्हर्स, स्कायलिंक नेटवर्क आणि संबंधित संस्था आणि व्यक्तींच्या निवासी आणि व्यावसायिक परिसरांचा समावेश आहे.

या प्रकरणाच्या संदर्भात मनी लाँड्रिंग प्रतिबंधक कायदा (पीएमएलए), २००२ च्या तरतुदींनुसार हे गुन्हे दाखल करण्यात आले आहेत.

भारतीय न्याय संहिता (BNS), २०२३ च्या विविध कलमांखाली उत्तर प्रदेशच्या गौतम बुद्ध नगर (नोएडा) पोलिसांनी नोंदवलेल्या पहिल्या माहिती अहवालाच्या आधारे ईडीने तपास सुरू केला. पीएमएलए, २००२ अंतर्गत ईडीने शेअर केलेल्या माहितीच्या आधारे ही एफआयआर नोंदवण्यात आली.

व्ह्यूनो मार्केटिंग सर्व्हिसेस लिमिटेडने इतर समूह संस्थांशी संगनमत करून विविध गुंतवणूकदारांना त्यांचे पैसे गुंतवण्यास प्रवृत्त केले, असं ईडीने म्हटले आहे.

गुंतवणूकदारांना फसवून कमावलेल्या पैशातून कंपन्यांनी विविध आलिशान वाहने खरेदी करून, बनावट कंपन्यांद्वारे शेकडो कोटी रुपयांचा निधी वळवून आणि मालमत्तांमध्ये गुंतवणूक करून वळवले असल्याचे समोर आले आहे.

The Enforcement Directorate has seized various luxury vehicles, cash amounting to Rs 3 lakh, incriminating documents, records and digital devices in multi-state raids conducted in Haryana, Punjab and Mumbai in connection with money laundering investigation against Vuenow… pic.twitter.com/Wc0AXHYave

— ANI (@ANI) January 20, 2025