अरे व्वा! डॉक्टर होण्यासाठी इंजिनिअर चंदनने 18 लाखांची नोकरी सोडली; MBBS साठी घेतलं एडमिशन

चंदनला डॉक्टर बनण्याची हौस एवढी आहे की, त्याने 18 लाखांचे पॅकेज सोडून येथे एडमिशन घेतलं आहे.

एका इंजिनिअरच्या विद्यार्थ्याने शहीद निर्मल मेहतो मेडिकल कॉलेज (SNMMCH), धनबादमध्ये मेडिकलच्या अभ्यासासाठी एडमिशन घेतलं आहे. ANMMCH मध्ये विद्यार्थी चंदन कुमारचं एडमिशन चर्चेचा विषय राहिला आहे. या मेडिकल कॉलेजमध्ये इंजिनिअरने डॉक्टर होण्यासाठी एमबीबीएसला एडमिशन घेतल्याची ही पहिलीच घटना आहे. एवढच नाही तर चंदनला डॉक्टर बनण्याची हौस एवढी आहे की, त्याने 18 लाखांचे पॅकेज सोडून येथे एडमिशन घेतलं आहे.

चंदन कुमारची आई आयआयटी आयएसएममध्ये डेप्युटी असिस्टंट म्हणून कार्यरत आहे. एसएनएमसीएचमध्ये एडमिशनसाठी आलेल्या चंदनने सांगितले की, लहानपणापासूनच त्याचा मेडिकलकडे कल होता. ISM Annexe मधून 2008 मध्ये प्लस टू केल्यानंतर, त्याला मेडिकल आणि इंजिनिअर या दोन्ही विषयांमध्ये रस होता, परंतु मेडिकलमध्ये निवड होऊ शकली नाही. त्यांची इंजिनिअरमध्ये निवड झाली आणि 2012 मध्ये एनआयसी वारंगल आंध्र प्रदेशमधून बायोटेक्नॉलॉजीमध्ये इंजिनिअररिंग केलं.

इंजिनीअरिंग केल्यानंतर चंदनने नोकरी केली, पण या काळात तो एमबीबीएसची पुस्तके वाचत राहिला आणि त्याची आवड वाढत गेली. 2015 मध्येही त्याने मेडिकल एडमिशनसाठी प्रयत्न केले होते, पण रँक कमी असल्याने मिळालं नाही. यावेळी त्याने वैद्यकीय प्रवेशात 605 गुण मिळवले आणि त्याचा क्रमांक 2650 होता. त्याने SLN MCH मध्ये स्वतःची नोंदणी केली.

चंदनने असेही सांगितले की, त्याने कधीही कोचिंग घेतले नाही, त्याला 12वीच्या वर्गात असताना बायोलॉजीचे शिक्षक आणि हिंदी शिक्षकांनी दिलेले मार्गदर्शन आजही त्याच्यासाठी उपयुक्त आहे. धनबादचे एसएनएमएमएचचे अधीक्षक अनिल कुमार म्हणाले की, इंजिनिअर केल्यानंतर जर त्याला डॉक्टर होण्याची आवड असेल तर ही आमच्यासाठी अभिमानाची गोष्ट आहे. इंजिनीअरिंगमधून मेडिकलला एडमिशन घेतलेला हा आमच्या केंद्रातील पहिला विद्यार्थी आहे.

चंदन कुमार यांची पत्नी अपर्णा SBI मध्ये मॅनेजर म्हणून काम करत आहे आणि मोठी बहीण गोरी कुमारी बिहार सरकारमध्ये BDO म्हणून कार्यरत आहे. धाकटी बहीण दीक्षा राणी छत्तीसगडच्या इंद्र कला कैलाश विद्यापीठातून कथ्थकमध्ये एमए झाली आहे. एका हिंदी वेबसाईटने याबाबतचे वृत्त दिले आहे.