"40,000 वर्षांपासून भारतात राहणाऱ्या सर्वांचा DNA एकच"- मोहन भागवत
By ऑनलाइन लोकमत | Published: December 19, 2021 02:29 PM2021-12-19T14:29:41+5:302021-12-19T14:33:09+5:30
"40,000 वर्षांपूर्वीपासून भारतातील सर्व लोकांचा DNA हा आजच्या लोकांसारखाच आहे. आपल्या सर्वांचे पूर्वज एकच आहेत, त्याच पूर्वजांमुळे आपला देश भरभराटीला आला आणि आपली संस्कृती टिकून राहिली."
"40,000 वर्षांपासून भारतात राहणाऱ्या सर्वांचा DNA एकच"- मोहन भागवत
Next धर्मशाळा:राष्ट्रीय स्वयंसेवक संघाचे(RSS) प्रमुख मोहन भागवत यांनी पुन्हा एकदा भारतीयंच्या DNAवर भाष्य केले आहे. मागील "40,000 वर्षांपूर्वीपासून भारतातील सर्व लोकांचा डीएनए आजच्या काळातील लोकांसारखाच आहे. आपल्या सर्वांचे पूर्वज एकच आहेत. त्याच पूर्वजांमुळे आपला देश भरभराटीला आला, आपली संस्कृती टिकून राहिली,"असे वक्तव्य भागवत यांनी केले आहे. भागवत पाच दिवसांच्या हिमाचल प्रदेश दौऱ्यावर आहेत.
#WATCH | For over 40,000 years DNA of all people in India has been the same...I am not faffing," said RSS chief Mohan Bhagwat at an event in Dharamshala, Himachal Pradesh (18.12) pic.twitter.com/cAtY12oe5i
— ANI (@ANI) December 19, 2021
संघाला सरकारचा रिमोट कंट्रोल म्हणून दाखवले जाते
ते पुढे म्हणाले की, ''अनेकदा माध्यमांमध्ये संघाला सरकारचे रिमोट कंट्रोल म्हणून दाखवले जाते. पण, हे अजिबात खरे नाही. माध्यमे आम्हाला सरकारचे रिमोट कंट्रोल म्हणून संबोधतात, परंतु हे असत्य आहे. मात्र, आमचे काही कार्यकर्ते नक्कीच सरकारचा भाग आहेत. सरकार आमच्या स्वयंसेवकांना कोणतेही आश्वासन देत नाही'', असं ते म्हणाले.
भारत विश्वगुरू होऊ शकतो
वैद्यकशास्त्रातील प्राचीन भारतीय पद्धतींवर बोलताना ते म्हणाले की, “भारताला आधीपासून कधा, क्वाथा आणि आरोग्यशास्त्र यांसारख्या पारंपारिक उपायांमधून पाहिले गेले आहे. आता जग भारताकडे पाहत आहे आणि भारतीय मॉडेलचे अनुकरण करू इच्छित आहे. आपला देश जागतिक महासत्ता बनू शकत नाही, पण तो विश्वगुरू नक्कीच होऊ शकतो. महामारीनंतरच्या काळात जागतिक नेता बनण्याची क्षमता भारतात नक्कीच आहे, असेही ते म्हणाले.